မျက်နှာမွဲ တော်လှန်ရေးသမားများ

Clicker တို့ ခင်ဗျား c4a ကို click ​ပေးတဲ့အတွက် ​ကျေးဇူးတင်ပါတယ် ခင်ဗျာ ။ ၃၀ စက္ကန့်​နေပြီးရင်ပြန်ထွက်လို့ ရပါပြီ ခင်ဗျာ ။

 မျက်နှာမွဲ တော်လှန်ရေးသမားများ

=========================

ဖေဖော်ဝါရီ ၁ ရက်

စစ်တပ်က အာဏာသိမ်းပြီးနောက်ပိုင်းမှာ

အကြမ်းမဖက် အနုနည်းနဲ့

ဆန္ဒထုတ်ဖော်ကြတဲ့ တော်လှန်ရေးသမားတွေ

နေရာအနှံ့အပြား ​ပေါ်ပေါက်လာကြတယ်

ဒီမိုကရေစီရဲ့ အသီးအကင်းလေးကို

အနည်းငယ်မျှခံစားမိစ ပြုလာတာရယ်

အမှန်တရားကို မြတ်နိုးတဲ့စိတ်ရယ်

စစ်တပ်ရဲ့ အာဏာလုစစ်ကျွန်ပြုလုပ်ရပ်တွေကို

ရွံရှာစက်ဆုပ်တာရယ်ကြောင့်

နိုင်ငံတွင်း နေရာဒေသအသီးသီးကနေ

ဓမ္မဘက်တော်သားတွေဟာ

စုပေါင်း တော်လှန်ခဲ့ကြတယ် ။

တော်လှန်ရေး အစမှာတော့

လူတန်းစားအစုံ အလွှာစုံပါဘဲ

အစိုးရ/ပုဂ္ဂလိကဝန်ထမ်းတွေ

သူဌေးသူကြွယ် ကုန်သည်လယ်လုပ်

ပြည်သူ အစုံပေါ့ ။

အချိန်ကြာလာတော့

တော်လှန်ရေးကို ပေါချောင်ကောင်းထင်ထားတဲ့

ရေပေါ်ဆီ တော်လှန်ရေးသမားတွေဟာ

ကြောင်ကြာကြာ ရေမငုတ်ခဲ့ပါဘူး

ဆင်ခြေအမျိုးမျိုးနဲ့

ဆန်ပြုတ်သောက် ဆုတ်ပြန်ကုန်ကြတယ်။

ကိုယ်ပိုင်စီးပွားရေးတွေ ပြန်လုပ်ရင်း . .

မနက်စာကို ကဖေး နဲ့ အီကြာစားရင်း . .

အနာဂတ်မျိုးဆက်လေးတွေဟာ

ဘီယာလေးမော့ Gameလေးဆော့ရင်း . .

စစ်ခွေးဆိုတဲ့ သေမင်းဟာ

ကိုယ့်အိမ်တံခါး လာမခေါက်မချင်းတော့

တိုင်းပြည်ရဲ့ ပစ္စုပ္ပန်နဲ့ အနာဂတ်ကို

မေ့လျော့ရင်းနေခဲ့ကြတယ် ။

တော်လှန်ရေး သန္ဓေမှန်သူတွေသာ

ဖိနှိပ်မှုအမျိုးမျိုးကြားက

ရုန်းကန် ရှင်သန်ရင်း

ပုံစံအမျိုးမျိုးနဲ့ တော်လှန်ကြတယ် ။

အချို့ အချို့သောပြည်သူတွေလဲ

မြင်ယောင်မိပါသေးတယ် ။

ရုံးမသွားနဲ့ ဝန်ထမ်းတွေ

အိမ်မှာနေပါ ဇိမ်နဲ့ ဇိမ်နဲ့"လို့

သံပြိုင်အော်ခဲ့သူတွေဟာ

သူတို့ ကိုယ်တိုင်သာဇိမ်နဲ့နေရင်း

CDM"လုပ်ခဲ့တဲ့ ဝန်ထမ်းတစ်ချို့ကတော့

ကိုယ်တိုင်သာမက မိသားစုပါ

ကျီးလန့်စာစားရတဲ့ ဘဝကိုရောက်ခဲ့တယ်

တစ်ချို့လဲ ဝမ်းရေးအခက်ခဲတွေကြောင့်

အဖြူအစိမ်းကို သော့ခတ်ပြီး

မြို့ပြမှာ သူများဝန်ကိုသွားထမ်းရင်း

မိဝေးဖဝေး စာသင်ခန်းနဲ့အဝေးမှာပေါ့ ။

တစ်ချို့သော ဝန်ထမ်းတွေကတော့

ရေပေါ်ဆီ တော်လှန်ရေးသမားလို့

ခေါ်ရမလား ???

ကောက်ရိုးမီး တော်လှန်ရေးသမားဘဲ

ခေါ်ရမလား ???

ရုံးမတက်နဲ့ ရုန်းထွက်လို့"

ခပ်စွာစွာ အော်ခဲ့တဲ့ပါးစပ်တွေက

ဗျည်း/သရတွေ ပြန်ရွတ်ရင်း

ကိုယ်တိုင်ဘဲ ရုံးပြန်တက်နေကြတယ် ။

သူတို့တွေ လိမ္မာကြပါတယ် . . .

တော်လှန်ရေးမှာ အမှတ်တစ်ချို့ရခဲ့သလို

လစာလဲ မငတ်ကြဘူးပေါ့

သူတို့မှာသာ အသက်ပါပီး

မိသားစုအရေးလဲ

သူတို့သာ တွေးတတ်သူကြီးတွေ ။

တော်လှန်ရေးအကင်းမပါးတဲ့

မျက်နှာမွဲ တော်လှန်ရေးသမားတွေကသာ

လစာလဲငတ်ကြရသလို

မိသားစု မေတ္တာလဲငတ်ကြရတယ် ။

တစ်ချို့ကို မိဘဆွေမျိုးက

သေခန်းရှင်ခန်း ဖြတ်သလို . . .

တစ်ချို့ကတော့ အမွေပြတ်တဲ့

အဖမ်းအဆီးတွေ ထူလာတော့

စိုးရိမ်တကြီးနဲ့ ဖျောင်းဖြတဲ့မိဘတွေကို

အတိုက်အခံလုပ်ရင်း

တစ်ချို့လဲ အိမ်မှာနေရင်းကို

မိသားစု မေတ္တာငတ်နေကြ ။

သန္ဓေမှန် တော်လှန်ရေးသမားတွေဟာ

လက်နက်ကိုင်ပြီး အကြမ်းဖက်နေတဲ့

အဓမ္မ စစ်အာဏာရှင်ကို

အမြစ်ဖြတ်ချင်တဲ့ ရည်ရွယ်ချက် ၊

အဆုံးသတ်တိုက်ပွဲအတွက်

လက်နက်ကိုင်တော်လှန်မှ ရမယ်ဆိုတဲ့

ရဲရဲတောက် ခံယူချက်နဲ့

တော်လှန်ရေးအင်အားစုတွေရှိတဲ့

တောတွင်းကို စွန့်စားချီတက်ခဲ့ကြတယ်

တောခိုဖို့ ခက်ခဲတဲ့သူတွေကျတော့လဲ

အသာမနေချင်တဲ့စိတ်ရယ်

တော်လှန်ရေးကို

ကြာ,မနေစေချင်တဲ့စိတ်ရယ်ကြောင့်

Keyboard Fighter"လို တစ်မျိုး

Donar"လိုက တစ်သွယ်

ဘယ်ရှုထောင့်ကမဆို

ကျရာနေရာကနေ နိုင်ရာဝန်ကိုထမ်းရင်း

ပေးဆပ်ခဲ့ကြတယ် ။

သမိုင်း,မတွင်ရင် နေပါစေ

လိပ်ပြာလုံချင်သူတွေကတော့

တောတွင်းမှာ အခက်အခဲမျိုးစုံ

ဆင်းရဲဒုက္ခမျိုးစုံနဲ့ ရာသီဥတုဒဏ်တွေခံရင်း

အမိမြေငြိမ်းချမ်းဖို့အတွက်

အချိန် သွေး ချွေးတွေ ပေးဆပ်ကြတယ်

မိဘအိမ်နဲ့ လားလားမှမဆိုင်

အခက်ခဲကြုံလာရင်

တိုင်ပင်စရာ သူငယ်ချင်းမရှိ

ရဲဘော်ရဲဖက်ဆိုတဲ့ အသိလေးနဲ့

အချင်းချင်းဖေးကူကြရင်း

ကြမ်းတမ်းတဲ့ ခရီးရှည်ကို

အဆင်ပြေသွားမှာပါ"ဆိုတဲ့

နှစ်သိမ့်မှုတွေနဲ့ ဖြတ်သန်းကြရတယ် ။

ထိုက်သင့်တဲ့ သင်တန်းတွေတက်ပြီး

တော်လှန်ရေးအတွက် အဆင်သင့်ဖြစ်ချိန်မှာ

ထပ်ကြုံရတဲ့ အခက်အခဲက

လက်နက်ပိုင်ဆိုင်မှုပါဘဲ ။

ကိုယ်နဲ့သက်ဆိုင်တဲ့ အဖွဲ့အစည်းမှာ

ကိုယ်နဲ့ အတူနေ ရဲဘော်တစ်ချို့ဆီမှာ

လက်နက်တွေကို မြင်လိုက်ရတိုင်း

သက်ပြင်းမော,တစ်ချက်ချရင်း

ဆန္ဒကို ပိန်နေတဲ့အိပ်ကပ်နဲ့ ထိန်းရတယ်

လက်နက် ပိုင်ဆိုင်လိုမှုဟာ

အတ္တအကျိုးအတွက် မဟုတ်ခဲ့ပါဘူး

လက်နက် ဝယ်ပြီးရင်

ငါ့ကိုယ်ငါ ကာကွယ်မယ်

ငါ့မိသားစုကို ကာကွယ်မယ်ဆိုတဲ့

တစ်ကိုယ်ရည် အကျိုးကို

လိုလားတဲ့ စိတ်ဟာ

ဘယ်တော်လှန်ရေးသမားမှာမှ မကိန်းဝပ်ဘူး

ငါ့မြို့ရွာ ငါနိုင်ငံအတွက် ၊

မတရားသတ်ဖြတ် အဖိနှိပ်ခံနေရတဲ့

ငါတို့နိုင်ငံသားတွေကို

ကာကွယ်ဖို့အတွက်ဆိုတဲ့ စိတ်တစ်ခုသာ

သူတို့ရင်မှာ အမြစ်တည်တယ် ။

တိုက်ပွဲဝင်လိုစိတ်

ဘယ်လောက်ဘဲ ပြတ်သားခိုင်မာနေပါစေ

ဘယ်လောက်ဘဲ အောင်စိတ်ပြင်းထန်နေပါစေ

ငါတို့အသက်ကို ရင်းတယ်

ငါ့အသက်ကို လှူပါတယ်လို့ ကြွေးကြော်နေပေမဲ့

လက်နက်မဲ့နေတဲ့

တော်လှန်ရေးသမားတွေအဖို့

စိတ်သွားတိုင်း ကိုယ်မပါခဲ့ကြပါဘူး

ကိုယ်အစွမ်းအစနဲ့ ဝယ်နိုင်ဖို့ကျတော့လဲ

ပြောခဲ့သလိုပါဘဲ

အလုပ်တွေ ရင်းခဲ့တယ်

မိသားစုကိုပါ ရင်းခဲ့တာမို့

အထောက်အပံ့ဆိုတာ မျှော်စရာလဲကင်းမဲ့တယ်

ဘာမှမကျန်အောင် ရင်းထားပြီးပြီမို့

နောက်ဆုံးကျန်တဲ့ မာနလေးကိုရင်းပီး

ကိုယ့်ထက်ပြည့်စုံတဲ့ ရဲဘော်ဆီကနေ

Uniform နဲ့ Equipments တွေငှား

ကိုယ်နဲ့ကိုယ့်မိသားစုရဲ့ လုံခြုံရေးတောင်မငဲ့ဘဲ

Donar "ရှာဖို့အတွက်

Social Media"ကို နယ်မြေချဲ့ရတယ် ။

Social"ကနေ

Donar ရှာပြန်တော့လဲ

Cele"တွေကိုသာ

တော်လှန်ရေးသမားထင်နေတဲ့ လူအချို့ကြောင့်

မျက်နှာမွဲတွေရဲ့

Donar"ရှာဖွေရေးဟာ ခရီးမပေါက်ခဲ့ဘူး

တောထဲကတော်လှန်ရေး အင်အားစုတွေရဲ့

%ထက်ဝက်လောက်ဟာ

တော်လှန်ရေးသိက္ခာသာရှိပြီး

ရိက္ခာနတ္ထိ ဖြစ်နေကြတယ်

လက်နက်ကို မဆိုထားနဲ့

သင်တန်းမှာ မနက် PT"ပြေးဖို့ဝတ်စုံတောင်

မပြည့်စုံတဲ့ အင်အားစုတွေဟာ

နေရာတိုင်းမှာ ဒု နဲ့ ဒေး ။

အဖွဲ့အစည်းက ပြင်ဆင်ပေးတဲ့လက်နက်နဲ့

ရှေ့တန်းစစ်မြေပြင်ကို လိုက်ပါရင်း

စစ်ခွေးတွေကိုသတ်

သူတို့ရဲ့လက်နက်ကို တက်လုဖို့လဲ

တစ်ချို့က မိုက်ရူးရဲဆန်ဆန် ဆုံးဖြတ်ကြတယ်

တစ်ချို့ကတော့

ရှေ့တန်းစစ်မြေပြင်မှာဘဲ

အချိန်ရရင် ရသလို

Internet"လေးဖွင့် အရဲစွန့်ပြီး

Donar"ရှာကြရတယ် ။

မတူညီတဲ့ ဒေသတွေမှာ

တော်လှန်နေကြတာမို့

တစ်ယောက်နဲ့တစ်ယောက် မမြင်ရပေမဲ့

သူတို့ရဲ့ စကားသံတွေမှာ

သူတို့ ဘယ်လောက်နှိမ့်ချနေရသလဲဆိုတာ

သူတို့ဘယ်လောက် သိမ်ငယ်နေတယ်ဆိုတာ

ဘဝတူချင်း မြင်သာခံစားနိုင်တယ် ။

တကယ်ပါ

အရေးတော်ပုံ ခရီးအစ,လို

ကျနော်တို့ ပြည်သူတွေသာညီညွတ်ကြရင်

အာဏာလုစစ်ခွေး အတွက်

ပြေးစရာမြေ

တစ်လက်မ,တောင် မကျန်နိုင်ဘူး

အခုတော့လဲ . . .

ဘာသာမဲ့ခံယူချင်တဲ့ ကျနော်တောင်

ခေါင်းစဥ်တပ်မရတဲ့

ဘုရားတွေကို ရည်မှန်းရင်း

မျက်နှာမွဲ တော်လှန်ရေးသမားတွေအတွက်

အထပ်ထပ် အခါခါဆုတောင်းနေမိတယ် ။

စစ်မီး အမြန်ငြိမ်းပါစေ 🙏🙏🙏

ခွေးဇာတ် အမြန်သိမ်းပါစေပေါ့ ✊️✊️✊️

ARNs_Revolutionary_Art_Program

စလားဖန်း