မောင်အာကြီးတို့ရွာ - အပိုင်း (၂)

မောင်အာကြီးတို့ရွာ - အပိုင်း (၂)

*******************************

တော်လှန်ရေးအခန်းဆက်ဝတ္ထုရှည်

#ARNs_Revolutionary_Art_Program 

“ဦးလေးရေ … ဦးလေးရေ”

အမောတကောအော်တက်လာတဲ့ 

တူမလေးစပီကာ

“ဟဲ့ ဘာဖြစ်တာတုန်း တူမရဲ့”

“ဦးလေး NUG မိသွားပြီတဲ့”

“ဟေ … “

မောင်အာကြီး နှင့် စလားဖန်းနှစ်ဦးစလုံးပြိုင်တူ

မတိုင်ပင်ပဲ အသံထွက်သွားကျလေသည်။

“နေစမ်းပါဦး ငါ့တူမရယ် ဘယ်လိုမိတာလဲ၊

ဘယ်မှာမိတာလဲ”

“အဲဒါတော့ မသိဘူးဦးလေး ရွာထိပ်က

ဘကြီးကြည်ပြောနေတာကြားတာမလို့

ဦးလေးကိုလာပြောတာ”

“ကိုင်း … ကိုအာကြီးရေ ကျုပ်တို့တော့

ဒီကိစ္စ ဦးလေးကြည်ကို သွားမေးမှဖြစ်မယ်

တော်ကြာ ကိုဂျင်မီတို့ ကိုဇေယျာသော်တို့လို

ကြိုးပေးနေမှ” ဟု စလားဖန်းက ဆိုလိုက်သည်။

“နေစမ်းပါဦး ကိုစလားဖန်းရာ

အခုဟာက သေသေချာချာလည်းသိရတာ

မဟုတ်သေးဘူး” 

“ကဲ …. ကဲ ဒါဖြင့် ဦီးလေးကြည်ဆီ သွားမေးကြစို့”

နှစ်ဦးသား ရွာထိပ်က ဦးလေးကြည်နေအိမ်သို့

ဦးတည်ထွက်လာခဲ့မိလေတော့သည်။

အတွေးကိုယ်စီဖြင့် စကားပင်မဆိုမိပဲ

ခပ်သုတ်သုတ်ကလေးလျှောက်လာခဲ့လေရာ

“စလားဖန်းတို့ မောင်အာကြီးတို့ရေ

ကြင်စိုးက လှူပြန်ပြီတဲ့တော့်” ဟု လမ်းမှ လှမ်းပြောလိုက်သည့် အမနွေဦးနှင့် ဆုံကြသည်။

“ဘာလှူတာတုန်း အမနွေဦးရဲ့ အရင်မရှိအဖျားမရှိ”

“ဒီလိုမောင်လေးတို့ရဲ့ - ‘’ ကြင်စိုးနောက်လိုက်ခွေးတသိုက်က ရခိုင်မှာ AA ကိုလှူတာတဲ့ မနေညက ပလက်၀မှာ သဲမ၀တပ်စခန်း နဲ့ ကလက်ချောင်းကပွိုင်စခန်းနှစ်ခု သုံးပွင်နဲ့ခွေးသေတွေပါရသတဲ့..လက်နက်ခဲယမ်းတွေလည်း ထုံးစံအတိုင်း အပုံလိုက်လှူသတဲ့ “ ဟု အမ နွေဦးက အားတက်သရော ပြောနေလေသည်။ 

“ကြားရတာတော့ အားရစရာပဲ၊ ဒါကအရေးမကြီးဘူး

NUG မိတယ်ဆိုလို့ ဦးလေးကြည်ဆီ သွားမေးမလို့” လို့ စလားဖန်းက မြန်မြန်ပဲ ပြန်ပြောလိုက်သည်။ 

‘’ ဟင် ‘’ 

မနွေဦးတယောက်ဟင်ကနဲပဲ အသံမြည်နိုင်ပြီး

“ဒါဆိုအမြန်သွားကြမယ်လေ” ဟုဆိုကာ သုံးဦးသား

ဦးလေးကြည်ဆီသို့ အသောနှင်ကျလေတော့သည်။

‘’ ဗျိုး ဦးလေးကြည် … “

“အာကြီး စလားဖန်း နွေဦးတို့ပါလား၊

လာကြလေ” ဟု ဦးလေးကြည်မှ ပြောလေသည်။

ဦးလေးကြည် : “မင်းတို့တွေဘယ်ကနေစုပြီးလာတာလဲ” 

အာကြီး : “ဘယ်ကမှစုမလာဘူး ဦးလေးစီတန်းလာတာ”

ဦးလေးကြည် : “ကဲဘာကိစ္စရှိလိုလဲ”

“NUG မိပြီဆိုဟုတ်လား” စလားဖန်းမှ မအောင့်နိုင်ပဲမေးလေသည်။

ဦးလေးကြည် : “ဟုတ်တယ်လေ မနက်ကမိတာပဲ “

နွေဦး : “ဘယ်လိုဖြစ်ပြီးမိတာလဲဟင်” ဟု

မနွေဦးတစ်ယောက် မျက်စိမျက်နှာပျက်စွာ မေးလိုက်လေသည်။ 

ဦးလေးကြည် : “ဟုတ်တယ်ဟေ့ 11.94 MHZ” နဲ့မှ မိတော့တာ”

‘’ ဟင် “ 

သုံးယောက်သားပြိုင်တူမေးမိတာတာက

“ ဘယ်လို . .  . ဘယ်လို “

ဦးလေးကြည် : “NUG Radio လေ ဖမ်းနေတာကြာပြီဟ ဒီနေ့မနက်မှမိတော့တာ”

မောင်အာကြီးတစ်ယောက် ဦးလေးကြည် တဲဘေးထောင်ထားသော ဝါးလုံးဆွဲပြီး ပုဆိုးမကာ အိမ်ဘက်ကို အပြေးလေးပြန်တော့သည်။

“အာကြီးရေ မင်းတူမကို အသေသာရိုက်သတ်တော့ “

နောက်မှ စလားဖန်းရီသံနှင့်အတူ အော်ပြောလေတော့သည်။

ဆက်ရန် …….

မောင်Rကြီး