တမလွန်မှ လွတ်လပ်ရေး သူရဲကောင်း ဖခင်ကြီးသို့

 တမလွန်မှ လွတ်လပ်ရေး သူရဲကောင်း ဖခင်ကြီးသို့ 

**********************************************

ရဲဘော်စလားဖန်း

(၇၅ နှစ်မြောက် အာဇာနည်နေ့ အထိမ်းအမှတ်ရေးဖွဲ့သည်။)

သို့...

အဖိုးအောင်ဆန်းရေ...

ခုနေများ အဖိုးအောင်ဆန်းရှိနေခဲ့ရင် ဒီကာလမှာ ဖြစ်ပျက်နေတဲ့ အဖြစ်အပျက်တွေကိုမြင်ရင် အဖိုး ဘယ်လောက်တောင်စိတ်မကောင်းဖြစ်နေလိမ့်မလဲ။

အဖိုးအောင်ဆန်းရေ...

အဖိုးတည်ထောင်ခဲ့တဲ့ တပ်မတော်ကြီးဟာ ခုဆိုရင်လေ အဖိုးသိပ်ချစ်ခဲ့တဲ့ ပြည်သူတွေအပေါ် ယုတ်မာမှုပေါင်းများစွာနဲ့ ဖိနှိပ်နေတာမြင်ရင် အဖိုးဘယ်လောက်တောင်စိတ်မကောင်းဖြစ်လိမ့်မလဲ။

အဖိုးအောင်ဆန်းရေ...

ခုဆိုရင်လေ အဖိုးသိပ်ချစ်တဲ့ပြည်သူတွေ အဖိုးသိပ်ချစ်ခဲ့တဲ့ တပ်မတော်ကြီးကို အဖိုးကိုယ်စား ကာကွယ်စောင့်ရှောက်ပေးနေတဲ့ အဖိုးရဲ့သမီးအထွေးဆုံးလေးကိုလည်း သူတို့တွေ မတရားဖမ်းစီးချုပ်နှောင်ပြီး မတရားတဲ့ဥပဒေတွေနဲ့ ပြစ်ဒဏ်စီရင်နေကြတယ် အဖိုးရေ..

အဖိုးအောင်ဆန်းရေ...

အဲ့ဒါအပြင်လေ မတရားတာကို မတရားမှန်းသိလို့ ထပြီး တော်လှန်ကြရတဲ့ လူတန်းစားအလွှာအသီးသီးထဲ ခုချိန်မှာ မိဘရင်ခွင်ထဲမှာပဲ ခိုလှုံနေကြရမယ့် ကလေးငယ်လေးတွေ၊ ပြီးတော့ ကျမ်းမာရေးဝန်ထမ်းတွေ၊ ပညာရေးဝန်ထမ်းတွေ၊ အာဏာရှင်စနစ်ကိုမလိုလားတဲ့ အခြားခြားသော ပြည်သူ့ဝန်ထမ်းတွေကို ရက်ရက်စက်စက် ဖမ်းစီး  သတ်ဖြတ်နေတာမြင်ရင် အဖိုးဘယ်လောက်တောင်စိတ်မကောင်းဖြစ်နေလိမ့်မလဲ။

အဖိုးအောင်ဆန်းရေ...

သူတို့တွေကတော့ အဆုံးထိယုတ်မာနေကြအုံးမှာပဲ...အဖိုးရေ အဖိုးတည်ထောင်ခဲ့တဲ့ တပ်မတော်ကြီးဟာ လူယုတ်မာတစ်သိုက်ကြောင့် ပျက်စီးသွားရတော့မယ်...ဒါပေမယ့်စိတ်မပူပါနဲ့အဖိုးရေ အဲ့ဒီလူယုတ်မာတွေကို သုတ်သင်ပြီးသွားတဲ့အခါ အဖိုးသိပ်ချစ်တဲ့ ပြည်သူတွေကိုကာကွယ်ဖို့ စစ်မှန်တဲ့ ပြည်သူ့တပ်မတော်ကြီး ပေါ်ပေါက်လာမှာပါ။

အဖိုးအောင်ဆန်းရေ...

ဒီနေ့ဟာဆိုရင် အဖိုးတို့ အာဇာနည်သူရဲကောင်းကြီးတွေကို ရက်ရက်စက်စက် သတ်ဖြတ်ခဲ့ကြတဲ့နေ့...အို...ကောင်းကင်ကြီးကလည်း တစ်မိုးလုံးအုံ့စိုင်းပြီး မိုးဖွဲလေးတွေလည်းကျနေတယ်အဖိုးရေ...အဖိုးတို့ကျဆုံးခြင်းကို ရည်ညွှန်းဖွဲ့ဆိုပြီး တေးသီထားတဲ့ သီချင်းသံတွေကလည်း မြန်ပြည်တခွင်အနှံ့...လွမ်းလိုက်တာအဖိုးရေ...

အဖိုးအောင်ဆန်းရေ...

စိတ်ချပါ ကျွန်တော်တို့တွေအားလုံး အဖိုးသိပ်ချစ်တဲ့မြန်မာပြည်ကြီးနဲ့ အဖိုးသိပ်လိုချင်ခဲ့တဲ့ ကောင်းမွန်တဲ့ ပြည်သူ့တပ်မတော်ကြီး ပေါ်ပေါက်လာတဲ့အထိ မျိုးမစစ်တဲ့အယုတ်တမာအရိုင်းအစိုင်းကောင်တွေကို အဆုံးထိအမြစ်ဖြတ်တော်လှန်သွားမှာပါ။

အဖိုးနဲ့အတူ ဒီနေ့မှာ ကျဆုံးသွားကြတဲ့ အာဇာနည်သူရဲကောင်းတွေအားလုံးကို အလေးပြုပါတယ်...

ကောင်းရာသုဂတိဘုံမှာ အေးချမ်းစွာအနားယူနိုင်ကြပါစေ...

စလားဖန်း

#ARNs_Revolutionary_Art_Program

MPT

34 6879 8896 0552 1172

27 4950 6188 2424 0748

26 8902 2921 0768 6602

30 3652 3093 0104 7746

24 8991 1528 6816 1388