စိတ်ချပါ ဗိုလ်ချုပ်

 *စိတ်ချပါ ဗိုလ်ချုပ်*

။။။။။။။။။။။။။။။။။။။

ဗိုလ်ချုပ်တို့ ပေးဆပ်ခဲ့သမျှ

ဘိုယုတ်တွေ ဖျက်ခဲ့တဲ့တိုင်းပြည်။

လူတစ်စုကောင်းစားဖို့

လူထုကို ချနင်းခံရတဲ့တိုင်းပြည်။

ရာထူးနဲ့ လက်နက်ပေါင်းပြီး

အာဏာထူထောင်တဲ့ တိုင်းပြည်။

ခေတ်အဆက်ဆက် လူသတ်ခြိမ်းခြောက် 

အကြောက်တရား ရိုက်သွင်းခဲ့တဲ့တိုင်းပြည်။

ဗိုလ်ချုပ်မှူးကြီး​တွေမဟုတ်တဲ့

ဘိုယုတ်ဘီလူးကြီးတွေ စီးခံရတဲ့ တိုင်းပြည်။

ဒီတိုင်းပြည်မှာ ငါတို့မွေးခဲ့ပြီ

ဒီတိုင်းပြည်ဟာ ငါတို့တိုင်းပြည်

ဒါပေမယ့်

၂၁ ဟာ ၆၂ လိုမဟုတ်

၂၁ ဟာ ၈၈ လိုမဟုတ်

သိမ်းခြင်သလိုသိမ်း 

ထိန်းချင်သလိုထိန်း

နင်းခြင်သလိုနင်း ​ 

ချေ ချင်သလိုချေ

သတ်ချင်သလိုသတ် 

ဖျက်ချင်သလို ဖျက်ရလောက်အောင်

ငါတို့ မအ ကြတော့။

အာဏာရှင်အပေါင်းသိဖို့က

ခေတ်ဟောင်းနဲ့ စနစ်ဟောင်းမှာ

ငါတို့မနေတော့။

စိတ်ချပါ ဗိုလ်ချုပ်

အရေးတော်ပုံအောင်သည်ထိ

ဘိုယုတ်တွေကို ဖြုတ်ပြီး

ဗိုလ်ချုပ်တွေ အဖြစ်

ကျွန်တော်တို့ ပြန်လာခဲ့ပါမယ်။

မင်းမာဃ (ဧရာဝတီ)

(၇၅ နှစ်မြောက် အာဇာနည်နေ့ အထိမ်းအမှတ်အဖြစ် ရေးဖွဲ့သည်။)

#MMG #S

#ARNs_Revolutionary_Art_Program