တော်လှန်သွေးတွေ ပိုရဲပေးကြပါ မမဲကြနဲ့...ရဲကြပါ

 “တော်လှန်သွေးတွေ ပိုရဲပေးကြပါ

မမဲကြနဲ့...ရဲကြပါ”

။။။။။။။။။။။။။။။။

ရဲဘော် စလားဖန်း

ကျုပ်တို့တွေက ဒီတော်လှန်ရေးကာလမှာ

သူရဲကောင်းတွေကျဆုံးတိုင်း အမဲရောင် profile ကြီးကို ချိန်းတတ်ကြတယ်...ဒီတစ်ခေါက်တော့ အမဲရောင် profile ကြီးတွေမချိန်းကြပါနဲ့ဗျာ•••

ကျုပ်တို့တွေရဲ့ခန္ခာကိုယ်ထဲက သွေးတစ်စက် အဖောက်ခံလိုက်ရတယ်လို့ တွေးပြီး အဲ့ဒီအဖောက်ခံလိုက်ရတဲ့သွေးစက်ပေါက်တွေကို ပြန်ချုပ်ပစ်လိုက်ပါ။

ကျုပ်တို့ခန္ခာကိုယ်ထဲမှာ ရဲနေတဲ့သွေးတွေ အများကြီးရှိပါသေးတယ်... ခင်ဗျားတို့တွေဘယ်လိုပဲ ဖိနှိပ်ဖိနှိပ် ကျုပ်တို့ရဲ့သွေးတွေကဘယ်တော့မှ အရောင်မရောဘူး...အမြဲတမ်းရဲနေကြောင်း မအလ တွေကို သက်သေပြလိုက်ကြစမ်းပါဗျာ•••

ကျဆုံးသွားတဲ့ သူရဲကောင်းရဲဘော်တွေအတွက် ဝမ်းနည်းလို့ profile အမဲကြီးတွေချိန်းတာထက် ကျန်နေခဲ့ကြတဲ့ တစ်ယောက်ခြင်းစီတိုင်းရဲ့အသွေးအသားတွေက ပိုပြီးရဲရင့်ကြောင်း ပြသပေးကြပါ•••

ကျုပ်တို့ပြည်သူတွေ ဒီချိန်မှာ အရင်ကထက်ပိုပြီး စည်းလုံးကြမယ် အရင်ကထက်ပိုပြီး တော်လှန်ရေးကိုအရှိန်မြှင့်ကြရမယ် ကျုပ်တို့ရဲ့သွေးတွေရဲနေမှ ဒီတော်လှန်ရေးကြီးက အောင်မြင်မှာ•••

ကျုပ်တို့တွေ ဒီတိုင်းထိုင်ပြီး ဝမ်းနည်းပြနေကြရမယ့်

ချိန်မဟုတ်တော့ဘူး ကျုပ်တို့ပြည်သူတွေလုပ်နိုင်တဲ့ဘက်ကနေပြီး အရင်ကထက်ပိုပြီး ဝိုင်းဝန်းကူညီပေးကြဖို့လိုပြီ•••

ကျုပ်တို့တွေအားလုံး ကိုယ်တတ်နိုင်တဲ့ဘက်ကနေပြီး တတ်ညီလက်ညီနဲ့ အာဏာရှင်စနစ်ဆိုးကြီး အမြစ်ပျက်တဲ့အထိ ကူညီပေးကြပြီး တော်လှန်ရေးအရှိန်ကိုမြှင့်တင်ကြပါစို့။

ကျုပ်တို့အားလုံးရဲ့သွေးတွေ မဲမသွားကြပါနဲ့…

တော်လှန်သွေးတွေ ပိုရဲပေးကြပါ•••

ရဲဘော်စလားဖန်း