ချစ်သောဧရာဝတီအား အမြင်မစောင်းစေချင်ပါ

Clicker တို့ ခင်ဗျား c4a ကို click ​ပေးတဲ့အတွက် ​ကျေးဇူးတင်ပါတယ် ခင်ဗျာ ။ ၃၀ စက္ကန့်​နေပြီးရင်ပြန်ထွက်လို့ ရပါပြီ ခင်ဗျာ ။

 ချစ်သောဧရာဝတီအား အမြင်မစောင်းစေချင်ပါ

***************************************

ကျုပ်တို့ ဧရာဝတီသားတွေဟာ ဒီတော်လှန်ရေးမှာ စိတ်ဓာတ်တွေအရမ်းပြင်းပြနေပေမယ့်...

ကိုယ်တော်လှန်ဖြတ်သန်းနေရတဲ့ နယ်မြေဒေသအရ တိုက်စစ်ဆင်လို့မရတဲ့အတွက် အခြားအခြားသောဒေသအသီးသီးတွေသို့ထွက်ပြီး ကျရာနေရာကနေ တိုက်ပွဲဝင်နေကြပါတယ်...

လက်နက်ကိုင် တော်လှန်ရေးကာလကစလို့ ဒီနေ့ဒီချိန်ထိ လက်နက်ကိုင်တိုက်ပွဲဝင်ပြီးကျဆုံးသွားကြတဲ့ ရဲဘော်တွေကို နေရာဒေသ အသီးသီးမှာ စစ်တမ်းကောက်ကြည့်ပါ...ကျုပ်တို့ဧရာဝတီသားတွေ အများကြီး ပါနေတာကိုလည်း အသိအမှတ်ပြုပေးကြပါ...

လက်နက်ကိုင်တော်လှန်ရေး ဖြစ်တဲ့အတွက် တိုက်ပွဲတွေဖြစ်လာခဲ့ရင် အဓိက ထိခိုက်နစ်နာရမှာက နယ်မြေခံပြည်သူတွေပါပဲ...

ဧရာဝတီရဲ့ နယ်မြေဒေသဟာ တိုက်ပွဲဖြစ်ရင် အဖက်ဖက်က အဆုံးအရှုံးတွေ များလွန်းမှာဖြစ်တဲ့အပြင် မြို့နယ်တိုင်းလိုလို စခ အင်အားအမျာအပြား တပ်စွဲရာဒေသလည်း ဖြစ်ပါတယ်

ဒီအားနည်းချက်တွေကြောင့်ပဲ ဒလန်တွေပေါတဲ့ တိုင်းဆိုပြီး နာမည်ကြီးနေရသလို...တကယ်လည်း စခ တွေ ရခ တွေရဲ့ ဒလန်တွေ ကြီးစိုးရာ​ နေရာဒေသ တစ်ခုလည်း ဖြစ်နေခဲ့ပါတယ်...

ခုလိုဧရာဝတီမှာ အခက်အခဲပေါင်းစုံနဲ့ အဖက်ဖက်က တိုက်ပွဲအတွက် ပြည့်စုံမှုမရှိနေသေးတဲ့အချိန်မှာ “လုပ်လို့ရတဲ့နေရာ လုပ်လို့ရတဲ့အချိန်တိုင်းမှာ အခွင့်ရေးရရင်ရသလို” တိုက်ပွဲဝင်နေကြတဲ့ တိုင်းတွင်းရှိ PDF လေးတွေ/ UG တွေ/ STF တွေကို အားပျက်စေမယ့် စကားမျိုးတွေ မပြောကြပါနဲ့လို့ တောင်းဆိုပါရစေ...

သမိုင်းအဆက်ဆက်မှာ ဧရာဝတီသည် ဘယ်တုန်းကမှ သွေးနည်းခဲ့ကြတဲ့သူတွေမဟုတ်ခဲ့ကြပါ..ဧရာဝတီကသွေးတွေ အချင်းချင်းပေါင်းစည်းပေးကြပါ...တခြားသူတွေရဲ့ စကားတွေနဲ့ လမ်းမဆုံးကြပါနဲ့ဗျာ...

ဧရာဝတီဟာ သူရဲကောင်းတွေပေါတဲ့ တိုင်းတစ်ခုဆိုတာကို သက်သေပြနိုင်ဖို့ အချင်းချင်းစည်းလုံးပေးကြပါ...တတ်နိုင်တဲ့ဘက်က ကူညီပေးကြပါ...

ပြောပါ..

ခင်ဗျားတို့ပြောသလိုလည်း ကျွန်တွေပေါတဲ့တိုင်း ဒလန်တွေပေါတဲ့တိုင်းတစ်ခုဆိုတာအမှန်ပါပဲဗျာ

ဒါပေမယ့် ​ခင်ဗျားတို့ကြိုက်သလိုပြောဆိုလုပ်ပြီးသွားကြရင်တော့ တိုင်းအတွင်းမှာ လှုပ်ရှားနေတဲ့ ရဲဘော်လူငယ်တွေကိုတော့ အားပေးစကားတွေ ပြောပေးသွားကြပါဗျာ...

ခင်ဗျားတို့ပြောနေတဲ့ ကျွန်တွေပေါတဲ့တိုင်း ဒလန်တွေပေါတဲ့တိုင်းထဲမှာ နယ်မြေဒေသအရ

ဘယ်လောက်ထိခက်ခက်ခဲခဲနဲ့ လှုပ်ရှားနေရလဲဆိုတာကို ခင်ဗျားတို့နားလည်ပေးကြပါဗျာ... 

အားပေးကြပါ ကူညီပေးကြပါ မကျေနပ်လို့ လိုင်းပေါ်မှာ ဒေါသတွေပေါက်ကွဲယုံနဲ့ တော်လှန်ရေးကြီးပြီးသွားမှာမဟုတ်ဘူးဆိုတာ နားလည်စေချင်တယ်...

ခုချိန်ထိ တစ်ချို့တွေက တော်လှန်ရေးက တောထဲမှာပဲရှိတယ်လို့ ထင်နေကြတုန်း...စိတ်မကောင်းစရာပါပဲ...

ပြည့်စုံမှုမရှိပဲ နေ့စဉ်နဲ့အမျှ အသက်နဲ့ရင်းပီး လှုပ်ရှားနေကြတဲ့ တိုင်းတွင်းက ရဲဘော်တွေကို ကိုယ်တတ်နိုင်တဲ့ဘက်က ဝိုင်းပြီးကူညီပေးကြပါလို့ ပြောချင်ပါတယ်...

ဧရာဝတီမှာ ခင်ဗျားတို့ရဲ့ကူညီမှုတွေကို လိုအပ်နေကြတဲ့ အညတရသူရဲကောင်းတွေ အများကြီးရှိနေတယ်ဆိုတာကိုတော့ သိထားကြပါဗျာ...

ဧရာဝတီသမိုင်း ဘယ်တုန်းကမှ မရိုင်းခဲ့ပါဘူးဗျာ..

တော်လှန်ရေးဆောင်းပါးတိုကဏ္ဍ

ရဲဘော်_စလားဖန်းမှရေးသားပေးပို့သည်

ARNs_Revolutionary_Art_Program