စိန်ခေါ်မှုပေါင်းများစွာနဲ့ ဧရာဝတီ

 “စိန်ခေါ်မှုပေါင်းများစွာနဲ့ ဧရာဝတီ”

^^^^^^^^^^^^^^^^^^^^^^

၂၀၂၁ ဖေဖော်ဝါရီလ(၁)ရက်နေ့ စစ်တပ်က အာဏာသိမ်းလိုက်ပြီလို့ သိလိုက်ရတဲ့အချိန်မှာ တစ်တိုင်းပြည်လုံးမှာရှိတဲ့ ဒီမိုကရေစီကိုလိုလား​ကြတဲ့ ပြည်သူတွေရဲ့ မျှော်လင့်ချက်တွေမဲ့ခဲ့ရုံသာမက အနာဂါတ်တွေပါပျောက်ဆုံးခဲ့ရတယ်။

ဒီလိုနဲ့​ ရက်သတ်တစ်ပါတ်လောက်ကြာတော့ ကျုပ်တို့ဧရာဝတီ အပါအဝင် တစ်တိုင်းပြည်လုံးမှာရှိတဲ့ပြည်သူ​တွေဟာ အာဏာရှင်စနစ် မလိုလားကြောင်းကို ခံစားရသမျှ ဖွင့်အန်ချပြကြဖို့ (မအလ) ကိုဆန့်ကျင်ဆန္ဒပြပွဲတွေ နေ့စဥ်ရက်ဆက်ပြုလုပ်ခဲ့ကြတယ်။

သို့ပေမယ့်လည်း ကျုပ်တို့တွေ ဘယ်လောက်ပဲဆန္ဒပြပြီး ကြွေးကြော်သံတွေ ဆူညံနေပါစေ... မအလ နားထဲဘယ်တုန်းကမှမရောက်ခဲ့သလို...မအလ ကလည်းဘယ်တုန်းကမှ ကျုပ်တို့ရဲ့ဆန္ဒပြ ထုတ်ဖော်မှုတွေကို ဂရုမစိုက်ခဲ့ပါဘူး။

ပြည်နယ်နဲ့တိုင်းအသီးသီးက ဆန္ဒပြပွဲတွေဟာ ရက်ပေါင်းကြာမြင့်လာပြီး တော်လှန်ရေး အရှိန်အဟုန်မြင့်လာတာနဲ့အမျှ... စကစဘက်ကလည်း ပိုပိုပြီးဖိနှိပ်လာခဲ့တယ်။ အဆိုးဆုံးကတော့ ငြိမ်းချမ်းစွာ ဆန္ဒပြကြတဲ့ အပြစ်မဲ့ပြည်သူတွေကို လက်နက်နဲ့ပစ်ခက်ဖြိုခွင်းဖမ်းဆီးပြီးသတ်ဖြတ်လာတာပါပဲ။

ဆန္ဒပြပွဲတွေ ရက်ရှည်လာပေမယ့်...ဘာမှထူးခြားမှုမရှိတဲ့အခါ...ကျုပ်တို့ဧရာဝတီသားတွေဟာ...ပထမဦးဆုံး EAO တွေဆီရောက်အောင်သွားပြီး လက်နက်ကိုင်လမ်းစဥ်ကိုရွေးချယ်ခဲ့တယ်။

ကျုပ်တို့ဧရာဝတီသားတွေ...တောထဲရောက်ပြီး EAO တွေဆီက သင်ကြားပြသပေးတဲ့ စစ်ပညာကို ခက်ခက်ခဲခဲနဲ့သင်ကြားခဲ့ရတယ်။

ကျုပ်တို့ဧရာဝတီသားတွေတော်လှန်ရေးအတွက် လက်နက်ကိုင်လမ်းစဥ်ကိုရွေးချယ်ပြီး EAO တွေနဲ့ပေါင်းစပ်ခဲ့တဲ့အချိန်တုန်းက EAO တွေနဲ့ လက်တွဲမယ့် အဖွဲ့အစည်းတွေ အရမ်းနည်းပါတယ်...နောက်ပိုင်းမှသာ တစ်စတစ်စနဲ့ တိုင်း နဲ့ ပြည်နယ်အသီးသီးက လူငယ်တွေရော အဖွဲ့အစည်းတွေကပါ ပူးပေါင်းလာကြပါတယ်...တဖြည်းဖြည်းနဲ့ ကျုပ်တို့ရဲ့တော်လှန်ရေးအင်အားစုကြီးက ကြီးထွားလာခဲ့တယ်။

ဒီလိုနဲ့ကျုပ်တို့တွေ EAO တွေဆီမှာ စစ်ပညာတွေသင်...တစ်ချို့တွေက တိုင်းဧရာထဲမှာပဲ ကျန်နေခဲ့ကြလို့ နောက်ပိုင်း  ကျုပ်တို့ဆီလာချင်နေကြတဲ့ တိုင်းဧရာထဲက တော်လှန်ရေးစိတ်ဓာတ်ပြင်းပြနေကြတဲ့လူငယ်လေးတွေကလည်း သူတို့လည်းလာချင်ပါတယ်ဆိုတော့ အဲ့တုန်းက တောထဲမှာ စားဝတ်နေရေးအခက်အခဲတွေ အပြင် အစစအရာရာ ထောက်ပံ့မှုအားနည်းနေကြတဲ့အခါ ​တောတွင်းလာချင်ကြတဲ့ သူတွေကို လိုသလောက် မခေါ်နိုင်ခဲ့ဘူး...

နောက်ပိုင်းမှာ တိုင်းဧရာကလူငယ်တော်တော်များများဟာ ကိုယ့်အစီစဥ်နဲ့ကိုယ် EAO တွေဆီအရင်ရောက်နေကြတဲ့ သူတွေနဲ့ချိတ်ဆက်ပြီး တောထဲရောက်အောင်လာခဲ့ကြတယ်...

တော်လှန်ရေးက ပြင်းထန်လာတာနဲ့အမျှ ကျုပ်တို့ဧရာဝတီသားတွေ အပါအဝင် အခြားသောတိုင်းနှင့်ပြည်နယ်များစွာက လူငယ်တွေ တောတွင်းမှာ အသက်တွေအများကြီးစတေးခဲ့ကြရသလို...နောက်မှာကျန်ခဲ့ကြတဲ့မိသားစုတွေလည်း ဘဝတွေစုတ်ပြတ်သတ်ကုန်တဲ့အထိ ဖြစ်ခဲ့ရတယ်...(ဒါက ကျုပ်တို့ယုံကြည်ချက်ကြောင့်ရွေးချယ်ခဲ့တဲ့​လမ်းမို့ ဘယ်တုန်းကမှအဲ့ဒီအတွက် နောင်တမရခဲ့ဘူး)

ဒီလိုနဲ့ မြို့ပြပျောက်ကျားဆင်နွှဲဖို့ ကိစ္စတွေရှိလာကြတော့ ကျုပ်တို့လူငယ်တစ်ချို့ ဧရာဝတီကို ပြန်ဝင်ခဲ့ကြတယ်...ကျုပ်တို့ဧရာဝတီရဲ့နယ်မြေဒေသအရ တိုက်စစ်ကို ထိုးစစ်ဆင်လို့မရတဲ့အခါ...ရတဲ့အချိန်မှာ ရရင်ရသလို မအလ တွေနဲ့သူတို့ရဲ့ဒေါက်တိုင်တွေကိုပါ သုတ်သင်ရှင်းလင်းဖို့ စီစဥ်ခဲ့ကြတယ်... အဲ့ဒီချိန်မှာ အခက်ခဲတွေအများကြီးကြုံတွေ့ခဲ့ရတယ်...လိုအပ်တဲ့ လက်နက်ပစ္စည်းတွေ အပြည့်အစုံမရှိတာရယ်...နယ်မြေဒေသအရ စကစက ထွက်ပေါက်တွေကိုပါ ပိတ်ဆို့ထားတာတွေ ရယ်ကြောင့် အခက်ခဲတွေ အများကြီးကြုံတွေခဲ့ရတယ်...ဒါပေမယ့်လည်း (မစ်ရှင်)တွေကို ကိုယ့်မှာရှိတာလေးနဲ့ ရရင်ရသလိုလုပ်ဆောင်ခဲ့ကြတယ်...ကျုပ်တို့တွေ (မစ်ရှင်)တိုင်းမှာ အသက်တွေနဲ့ပေးဆပ်မှုတွေအများကြီးရှိခဲ့တာကိုလည်း... တိုင်းတွင်းရှိ ပြည်သူတော်တော်များများ သိထားကြပြီဖြစ်ပါတယ်။

ဒီကာလအတွင်းမှာ အခြားအခြားသောဒေသအသီးသီးမှ ရဲဘော်များအပြင် ပြည်သူလူထုများကလည်း ကျုပ်တို့ဧရာဝတီကို အမြင်စောင်းနေကြသလို...တိုင်းဧရာထဲမှာရှိတဲ့ လူတော်တော်များများကလည်း မစ်ရှင်တစ်ခုအောင်မြင်ရင် လက်ခုပ်ဝိုင်းတီးပေးကြပေမယ့်...မအောင်မြင်ခဲ့ပြန်တော့ အပြစ်တင်ဝေဖန်ကြတဲ့အခါ...စိတ်မကောင်းဖြစ်မိပါတယ်။

ကျုပ်တို့ဧရာဝတီဟာ ခုချိန်မှာ တိုင်းတွင်းမှာရှိတဲ့ ပြည်သူများနဲ့သာမက...အခြားသောတိုင်း/ပြည်နယ်တွေရဲ့ စိန်ခေါ်မှုပေါင်းများစွာကိုပါ ရင်ဆိုင်နေကြရတာဖြစ်ပါတယ်...ဒါကြောင့် အချင်းချင်းညီညွှတ်ပေးကြပါ...တစ်ယောက်နဲ့တစ်ယောက် အပြစ်တွေမတင်ကြပဲ ကိုယ်လုပ်နိုင်တဲ့ဘက်ကနေ ကူညီပေးကြပါ...အပျော်အပါးတွေကိုလည်း နည်းနိုင်သမျှနည်းအောင် ပြုမှုနေထိုင်ပေးကြပါ...ကျုပ်တို့ဧရာဝတီဟာ ဘယ်တုန်းကမှ သမိုင်းမရိုင်းခဲ့ဘူးဆိုတာ ခင်ဗျားတို့ရဲ့စိတ်ထဲမှာစွဲစွဲမြဲမြဲမှတ်သားကြပြီး သက်သေထူပေးကြပါ။

ကျုပ်တို့ဧရာဝတီဟာ...ခုချိန်မှာ စိတ်ခေါ်မှုပေါင်းများစွာနဲ့ရင်ဆိုင်နေရတာဖြစ်တဲ့အတွက်...တိုင်းဧရာထဲမှာ လှုပ်ရှားနေကြရတဲ့ မျက်နှာမွဲ (UG)တွေကို ခင်ဗျားတို့ အစွမ်းကုန်ကူညီပေးကြပါ...ခင်ဗျားတို့သတင်းတွေပေးကြပါ...ခင်ဗျားတို့ပေးတဲ့သတင်းတွေတိုင်းဟာ ကျုပ်တို့ (UG) တွေရဲ့ မစ်ရှင်တိုင်းမှာ အထိရောက်ဆုံး ကူညီမှုတစ်ခုဆိုတာ သိထားပေးကြပါလို့ပြောကြားရင်းနဲ့ပဲ...အရေးတော်ပုံကြီးအောင်မြင်ဖို့အတွက် ကိုယ်တတ်နိုင်တဲ့ဘက်က အုတ်တစ်ချပ်သဲတပွင့်အနေနဲ့ ပါဝင်ပူးပေါင်းပေးကြပါလို့ တိုက်တွန်းဆန္ဒပြုလိုက်ပါရစေလားဗျာ။

ရဲဘော်စလားဖန်း

ARNs_Revolutionary_Art_Program 

တော်လှန်ရေးဆောင်းပါးတိုကဏ္ဍ