၁၄/...ဖြစ်ရတာ ရှက်ဖို့ကောင်းလား?

၁၄/...ဖြစ်ရတာ ရှက်ဖို့ကောင်းလား?

*********************************

၁၄/...ဖြစ်ရတာ ရှက်ဖို့ကောင်းလား?

ဒီကာလမှာ ဒီမေးခွန်းက ကျုပ်တို့ (၁၄/) အချင်းချင်းသာမက...အခြားခြားသော ( / ) တွေကြားထဲမှာပါ ဂရက်ရိုက်သွားခဲ့ပါတယ်။

အမှန်တိုင်းဝန်ခံရရင် (၁၄/)မှာရှိတဲ့ ဧရာဝတီက (UG) တစ်ယောက်အနေနဲ့ ကျုပ်လည်းရှက်မိပါရဲ့ဗျာ...

သို့​ပေမယ့်လည်း...ကျုပ်တို့တွေ ဒါကိုထိုင်ကြည့်ပြီး အပြစ်တင်နေလို့ ဒီတော်လှန်ရေးကြီးပြီးသွားမှာမှမဟုတ်တာပဲ..

ခင်ဗျားတို့ရဲ့ ယုံကြည်ချက်ကိုမစွန့်လွှတ်ကြပါနဲ့...

ဧရာဝတီမှာရှိတဲ့ ကျွန်တစ်စုကြောင့် ခင်ဗျားတို့ ကျုပ်တို့တွေရဲ့ လက်ထက်ရောက်မှ ဧရာဝတီဆိုတဲ့နာမည်ကို အဆုံးရှုံးမခံလိုက်ကြပါနဲ့...

ကျုပ်တို့တွေ အရင်ကထက်ပိုပြီး လက်တွေ ခိုင်​မြဲကြရအောင်...အရင်ကထက်ပိုပြီး စည်းလုံးကြရအောင်

ကျုပ်တို့တွေ အာဏာရှင်စနစ်ဆိုးကြီး အဆုံးသတ်သွားသည်အထိ အတူတူတွန်းလှန်ကြရအောင်...

ခင်ဗျားတို့စိတ်ဓာတ်တွေကျရင် ဧရာဝတီကျဆုံးပြီ...ခင်ဗျားတို့ စိတ်ဓာတ်တွေပျက်စီးရင် ဧရာဝတီပျက်စီးပြီ...ဧရာဝတီဟာ ခင်ဗျားတို့ကျုပ်တို့တွေ အသက်ရှင်နေသ၍ ဘယ်တော့မှမကျဆုံးစေရဘူးဆိုတဲ့အသိနဲ့ ကျုပ်တို့တွေ မအလ အာဏာရှင်ကိုတော်လှန်ကြရအောင်...

ကျုပ်တို့ (၁၄/)တွေအချင်းချင်း ကူညီကြပြီး

ညီညီညွှတ်ညွှတ်နဲ့ အားတင်းပြီး အဆုံးထိ တိုက်ပွဲဝင်သွားကြရအောင်...ကျုပ်တို့ (UG) မျက်နှာမွဲတော်လှန်ရေးသမားတွေ ဧရာဝတီအတွက်သာမက ခင်ဗျားတို့အတွက် အသက်တွေ ပေးထားပြီးသားမို့ ခင်ဗျားတို့တွေ ဆက်ပြီး အဆုံးထိ ကျုပ်တို့နဲ့အတူတူ တိုက်ပွဲဝင်ပေးကြပါ...

ကျုပ်အမြဲတမ်းပြောခဲ့သလိုပဲ ဧရာဝတီမှာလှုပ်ရှားနေတဲ့ (ug) တွေဟာ အခက်ခဲပေါင်းစုံ ဒုက္ခပေါင်းစုံနဲ့ ဖြတ်သန်းနေရတာပါ။

ကျုပ်တို့တွေ အခက်ခဲပေါင်းစုံနဲ့ဖြတ်သန်းနေရချိန်မှာ...ခင်ဗျားတို့လည်း အခက်ခဲများစွာနဲ့ ပံ့ပိုးပေးနေကြရတယ်ဆိုတာကိုလည်း နားလည်ပါတယ်ဗျာ...

ကျုပ်တို့တွေ အားလုံးက ဒီအာဏာရှင်စနစ်ကို မကြိုက်လို့ တော်လှန်ကြတဲ့နေရာမှာ ပုံစံအမျိုးမျိုးနဲ့ တော်လှန်နေကြရတာဖြစ်တဲ့အတွက် ကျုပ်တို့တွေ စိတ်ဝမ်းမကွဲကြပဲ အဆုံးထိသွားကြရအောင်လားဗျာ...

ဘယ်သူတွေဘာပြောပြော ကျုပ်တို့ဧရာဝတီသားတွေ သူများတကာတွေရဲ့စကားတွေထဲမှာ လမ်းမဆုံးကြပါနဲ့ဗျာ...ကျုပ်တို့ (ug) တွေခုချိန်ထိ ဧရာဝတီအတွက် ရတဲ့နေရာမှာ ရတဲ့မစ်ရှင်တွေကို လုပ်ဆောင် နေကြသလို...ခင်ဗျားတို့ ပြည်သူတွေကလည်း ကျုပ်တို့နဲ့အတူတူ အဆုံးထိတိုက်ပွဲဝင်ကြရအောင်

ဒီကာလမှာ တစ်ချို့တွေကလက်နက်ကိုင်ပြီး တိုက်ပွဲဝင်နေကြသလို တစ်ချို့တွေက လက်နက်မကိုင်ပေမယ့် အာဏာရှင်စနစ်ဆိုးတစ်ခုရဲ့ ဖိနှိပ်မှုအောက်မှာ ကြံ့ကြံ့ခံအံတုရင်း ထောက်ပံ့ပေးနိုင်ဖို့အတွက် အလုပ်တွေ လုပ်နေကြရင်း တော်လှန်နေကြရတယ်ဆိုတာလည်းနားလည်ပါတယ်ဗျာ...

တစ်ချို့တွေက ကိုယ်တိုင်မထောက်ပံ့ပေးနိုင်ပေမယ့် ထောက်ပံ့ပေးနိုင်တဲ့သူတွေနဲ့ လက်ချင်းချိတ်ပြီး ရတဲ့ဘက်က ကူညီပေးရင်း တော်လှန်နေကြတာတွေလည်းရှိတယ်...

တစ်ချို့တွေဆို တစ်နေ့လုပ်မှ တစ်နေ့စားရတဲ့ဘဝမျိုးနဲ့ ဘဝကိုဖြတ်သန်းနေရပေမယ့် အာဏာရှင်စနစ်ကို မလိုလားဘူးဆိုပြီး သူတို့ရဲ့ လုပ်အားခလေးထဲက ရတဲ့ပိုက်ဆံလေးကို မျှဝေလှုပေးရင်း တော်လှန်ကြတယ်...

လက်နက်ကိုင်ပြီး တိုက်ပွဲဝင်နေကြတဲ့ ရဲဘော်တွေကလည်း ပြည်သူတွေရဲ့ ပုံစံအမျိုးမျိုးနဲ့ဖြတ်သန်းပြီး ထောက်ပံ့ပေးနေတဲ့ ရိက္ခာတွေကို အချင်းချင်း မျှဝေသုံးစွဲရင်း တိုက်ပွဲဝင်နေကြတယ်...

ဘဝတွေက အမျိုးမျိုးပါပဲ ဝန်ထမ်းအများစုကလည်းCDM လုပ်ပြီး စျေးရောင်းစားနေကြရတာရှိသလို တပါးသူတွေရဲ့ အငှားဝန်ကိုထမ်းပြီး သူတပါးရဲ့ ဝန်ထမ်းလုပ်ရင်း တော်လှန်နေကြတာလည်းအများကြီးရှိတယ်...

ကျုပ်တို့တွေ လျှောက်လှမ်းပုံခြင်းမတူညီကြပေမယ့် ဦးတည်ချက်ကတော့ တစ်ခုထဲပါ...(အာဏာရှင်စနစ် အမြစ်ပြတ်ရေး)

ကျုပ်တို့မှာလည်း တစ်ခါတစ်လေ ကျုပ်တို့ရဲ့မိသားစုတွေ ကျုပ်တို့ရဲ့ချစ်ခင်ရတဲ့ အပေါင်းအသင်းမိတ်ဆွေတွေကိုလွမ်းမိတဲ့အခါ...မျက်ရည်ကျမိပေမယ့်...ခင်ဗျားတို့တွေရဲ့ ပင်ပင်ပန်းပန်းနဲ့ ရှာပီးလှုထားတဲ့ ထမင်းတစ်နပ်ရဲ့တန်ဖိုးနဲ့ ယှဥ်လိုက်တိုင်း ကျုပ်တို့ရဲ့မျက်ရည်တွေက အင်အားတစ်ခုဖြစ်လာခဲ့တယ်ဆိုတာ ခင်ဗျားတို့ယုံကြည်ပေးကြပါ...

ဒါပေမယ့်ခင်ဗျားတို့သိထားဖို့က ကျုပ်တို့ရဲ့ တော်လှန်ရေးကတောတွင်းမှာပဲရှိနေတာမဟုတ်ဘူးဆိုတာ သိစေချင်တယ်...

ဒါကြောင့်ကျုပ်တို့တွေ...ဆက်ပြီး ဧရာဝတီအတွက် အဆုံးထိတိုက်ပွဲဝင်ကြရအောင်...အားတင်းထားပေးကြပါ...ကူညီပေးကြပါ...ကျုပ်တို့ရဲ့ တော်လှန်ရေး အရေးတော်ပုံကြီးအောင်မြင်တော့မှာပါ...

နောက်ဆုံးကျုပ်ပြောချင်တာကတော့ (၁၄/) ဖြစ်ရတာမရှက်ပါနဲ့...ခင်ဗျားတို့တွေလည်းတတ်နိုင်သလောက်ပံ့ပိုးပေးကြ​တယ်...ကျုပ်တို့လည်း လုပ်နိုင်သလောက်လုပ်နေတယ်...ခင်းဗျားတို့နဲ့ကျုပ်တို့ကြားမှာ သွေးခွဲနေတဲ့ ဧရာဝတီရဲ့ကျွန်တစ်သိုက် ဘောမတွေ ကြောင့် ကျုပ်တို့ရဲ့ ပန်းတိုင်မပျောက်သွားပါစေနဲ့...အရင်လိုဖေးမကူညီကြရင်း အဆုံးထိ တိုက်ပွဲဝင်သွားကြပါစို့လို့ ဆန္ဒပြုရင်း...

ရဲဘော်စလားဖန်း

ARNs_Revolutionary_Art_Program