လုပ်ရှူတစ်ကောင်ရဲ့ စစ်ရေးအတွေ့အကြုံ

 လုပ်ရှူတစ်ကောင်ရဲ့ စစ်ရေးအတွေ့အကြုံ

*************************************

#မောင်နွေဦး (ဥတ္တရမဲဇာ)

#သရော်စာကဏ္ဍ 

ခေါင်းကြီးတို့ရဲ့ စတန်းဒွတ် ခြင်းကြား အာမီကြီးလည်း ခုတလော ပရီမွင်းငါးတွေ ရီခရုလုပ်ဖို့ အတော့ကိုခက်လာချေပြီ။ အရင်က စစ်ကိုင်းတို့ မကွေးနယ်တို့ဆိုတာ ရှေ့တလက်မ နောက်ပြောင်တွေ ပေါ်ထွက်ရာအရပ်။ ခုတော့ ခေါင်းကြီးတို့များဆို အသံတောင်မကြားခြင်လောက်အောင်။ ဘေးညာ …. ဘေးညာ …. ဘေးညာ…ဘေး….. …. ကောက်ရိုးခြေတောက်မြက်ခြေတောက် ….. သို့ကလို စာမတတ် စစ်ထဲဝင်အဆင့်မပြောနှင့် ဒေါက်ဖြူတင် ပရိုမွင်းငါးလောင်း ဒေါ်စိန်အေးကျောင်းပင်လျှင် တက်ခြင်သူတွေမရှိတော့။ လူငယ်တွေ ဘာကြောင့်စစ်တပ်ထဲမဝင်ရသနည်းဟု စစ်တမ်းကောက်ယူကြည့်ရာ တစ်ဖွဲ့ရှိလျင် နှစ်ဖွဲ့ကွဲတတ်သော မြန်မာ့ဥာဉ်အတိုင်း အဖွဲ့နှစ်ဖွဲ့ လုံးလုံးကွဲသွားလေသည်။ တစ်ဖွဲ့ကား “ စစ်ထဲဆို လုံးဝမဝင်ဘူး၊ ပြတ်သားတယ်” ဆိုသောအဖွဲ့နှင့် နောက်တစ်ဖွဲ့ကား “ ယီးမှမဝင်ဘူး” ဆိုသောအဖွဲ့ပင် ဖြစ်လေသည်။ ကောင်းလေစွ။ ကောင်းလေစွ။ ခေါင်းကြီးတို့ ဒစ်လည်နေလေပြီ။ 

ရွေပြည်သာမှ အချဉ်ပေါင်းရောင်းရင်း ချဲထိုး ဖါချတတ်သော လုပ်ရှု တကောင် စောက်ကြွေးတင်လေသည်။ ချဲကြွေးလာတောင်းစဉ် အတိတ်မေ့သလို ရွေပျောက်သလို လုပ်နေသဖြင့် ကြွေးရှင်က တင်းတင်းဖြင့် ပါးရိုက်မလို နားရိုက်မလို လုပ်လေရာ လုပ်ရှုလည်း ဘာလုပ်ရမည်ကိုမသိတော့။ အနို့ကလို သို့ကလို  တိုင်ပါတ်နေချိန်တွင် ကယ်တင်ရှင် ဗိုလ်ကြီးတပါးနှင့်တွေ့ လေရာ “ ဟျောင့် … စောက်ကြွေးအတွက် မင်းပူမနေနဲ့။ စစ်တပ်ထဲသာ ဝင်လိုက်၊ ဘယ်မြွေရိုးမှ အကြွေးလာမတောင်းရဲဘူး။ မင်းမိသားစုတောင် ဆန်နဲ့ဆီ လတိုင်းထောက်ပံပေးမယ်” ဟု ဆိုလေသည်။ လုပ်ရှုလည်း နှစ်ကောင်စား ကင်းပေါက်ဂွင်အဖြစ် မှတ်ထင်ကာ အခြေခံသင်တန်းအပြီး “ အဘတွေကို ကာကွယ်ဖို့အတွက် ခြင်းကြားအစုတ်ကိုလွယ်ကာ” ဆိုတဲ့ သီချင်းလေး ညဉ်းရင်း ရှေ့တန်း တစ်နေရာဖြစ်တဲ့ စစ်ကိုင်းတိုင်းကို အာကာထွန်းဘောင်းဘီလေးစွတ်ရင်း ခရီးနှင်ရပါတော့တယ်။ 

အခြေခံစစ်ပညာသင်တန်းဆိုတာကလည်း “ စစ်မြေပြင် ကင်းစောင့်” တို့ “ “ ရန်သူကို စူးစမ်းလေ့လာ ရှာဖွေခြင်း” တို့လို သင်သည်မဟုတ်။ “ ရှေ့ဖျင် နောက်ယီး တဖြောင့်တည်း” ဆိုသဟာမျိုးသာ တန်းစီတုံးသင်လိုက်၊ ဖက်ထိပ် လုပ်လိုက်နှင့်သာ ပြီးချေတော့သည်။ သည်လိုနဲ့  ရှေတန်း တိုက်ပွဲဖြစ်ပွါးချိန်တွင် PDF က လုပ်ရှူ ကို အရှင်ဖမ်းမိလေသည်။ အဖမ်းခံရလို့ ကြိုးတုတ်ထားစဉ် လုပ်ရှူ အော်ဟစ်ငိုကြွေးလေသည်။ 

“ မယ်ရေး….. ကျော့်ကို သတ်ပါနက်ဂျ” 

“ အေး….မသတ်ဘူးဟျောင့်”

“ ကျော့်ဖာသာ  အချဉ်ပေါင်းရောင်းရင်း ချဲကြွေးတင်တာ၊ ဟို ဗိုလ်ကြီးခေါ်လာလို့ပါ။ မသတ်ပါနက်ဂျာ” 

မသတ်ပါဘူးဆိုတာတောင် လုပ်ရှူတို့ ငိုကောင်းတုံး။ 

ခြင်းကြား အာမီဆိုတာ လုပ်ရှူလိုကောင်တွေက ခပ်များများရယ်။

မောင်နွေဦး (ဥတ္တရမဲဇာ)