ရှဲတမတ် အစိုးရ

 “ရှဲတမတ် အစိုးရ”

*****************

မောင်နွေဦး(ဥတ္တရမဲဇာ)

သရော်စာကဏ္ဍ 

ARNs_Revolutionary_Art_Program 

အန်ကယ်ဆမ်နဲ့ အာဆမ်သူကြီးတွေ ဟိုတနေ့က တွေ့တော့ ကြင်စိုး ရင်ထဲ ဒူးရင်းသီးတွေ သီးတာမှ တပြွတ်ကြီး။ ဒီတခေါက် သံရေးတမန်ရေး ကြိုးဝိုင်းထဲတော့ ကြင်စိုးတို့ ဘယ်ဖြောင့်တင်မကပဲ ညာဝိုက်ပါ အပေးခံရသမို့ ခွေကနဲပဲ ။ 

အန်ကယ်ဆမ်တို့ကလည်း လုပ်လိုက်ရင် တဆုံး။ 

စည်းဝေးမယ်လည်းဆိုရော ကြင်စိုးကို တံစက်မြိတ်အောက်တောင် အဝင်မခံဘူး။ ဒါတွေက ဒီဘဲတွေ အစကတည်းက မျှော်လင့်ထားမှာဆိုတော့ ထားတော့။ မထားနိုင်တာက သူ့မဖိတ်တဲ့အပြင် နုဂျီ မတ်မတ်ကို နသားဘာယား ထလုပ်လိုက်တာပဲ။ မတ်မတ်ဇင်က လှပ်လှပ်လေးဆိုတော့ ဒုနိုင်ငံခြားရေး ဝန်ကြီး ဝန်ဒီ တင်မကပဲ မလေးရှားက အပ္ပဒူလာဘိုင် နဲ့ပါ တွေ့ပြီး မြန်မာ့အရေး ဘာဘာညာညာ ဆွေးနွေးကြပေါ့။ အပ္ပဒူလာဘိုင်က ပြီးခဲ့တဲ အပါတ်ထဲက နုဂျီနဲ့တွေ့ဖို့ အဆိုတင်မယ်ဆိုတာကို ဝက်နွားမောင်လွင်တို့က စာတတန် ပေတတန် လုပ်နေတာနဲ့ အာဆမ် ပါလီမန် အမတ်များ ဥက္ကဌက “ဒီမိုကရေစီနည်းလမ်းနဲ့ ရွေးကောက်တင်မြှောက်ထားတဲ့ အစီုးရဆီက အဏာသိမ်းခဲ့တဲ့ စစ်ကောင်စီဟာ မြန်မာတနိုင်ငံလုံးကို ပရမ်းပတာဖြစ်စေပြီး သူအာဏာတည်မြဲဖို့ အားလုံးသော ရက်စက်ကြမ်းကြုတ်မှုမျိုးပေါင်းစုံကို ကျူးလွန်နေပါတယ်။ မလေးရှားနိုင်ငံခြားရေးဝန်ကြီးကို အဲလိုစွပ်စွဲရအောင် ဒီစစ်ကောင်စီမှာ ကိုယ်ကျင့်သိက္ခာပိုင်းအရ ဘာဩဇာမှ မရှိပါဘူး။ နိုင်ငံတကာက တိုးလို့အကျဉ်ခံနေရတာကြောင့် သွေးပျက်နေတာကို စစ်ကောင်စီရဲ့ တုန့်ပြန်ချက်က ပြသနေတာ ဖြစ်တယ်” လို့ ထပြောလိုက်ရသေးတယ်။ ခုလည်း သံတမန်အဆင့် လျှော့ချတယ် ဖြစ်ကုန်တော့ ကြင်စိုးတို့ ကြိတ်မနိုင်ခဲမရတွေဖြစ်ပြီး မူလလက်ဟောင်း ခွေးရုပ်ဓါတ်ပြား ထဖွင့်နေရပြန်ရော။ ဘာတဲ့ “ပြည်ပနိုင်ငံ စွက်ဖက်မှု” တို့၊ ဘာတို့ပေါ့။ တကယ်တော့ ဒီစကားကို လဒက တြုတ်ဘောငုံ၊ ရုစကီး ဘုံငေါ ရင်းနဲ့ ပြောနေတာ။ 

ဒီဘဲတွေက စွရမ်းကို လူရာဝင်ချင်နေတာ။ ပြောလိုက်ရင် “ကျော်တို့ အစိုးရ…ကျော်တို့အစိုးရ” နဲ့ … ဝေါ့ ... ။ သံရေးတမန်ရေးမပြောနဲ့ ရုပ်ရှင်ရုံဖွင့်တာတောင် လူမဝင်ဘူး။ လုပ်လိုက်ရင် နှစ်ကျပ်ကွက်တွေ။ လူမင်းတို့ ပြေတီအူး တို့ကို လွှတ်ပေးတယ်။ ရုပ်ရှင်ရုံမှာ ပထမရက် လူမင်းကားပြတယ်။ လာကြည့်တဲ့သူ နှစ်ယောက်ဆိုလား။ ဒုတိယရက် ပြေတီဦးကားပြတယ်။လူသုံးယောက်ဝင်တယ်။ အပျော်ကြိုက်တဲ့ ငါတို့ပြည်သူတွေက ဒင်းတို့ကို စောက်ဖက်ကို မလုပ်တာဆို။ သိပ်စည်ကားစေချင်င်ရင်တော့ ဟိုတုန်းက ရုပ်ရှင်ရုံတွေမှာလုပ်သလို “ရှဲတမတ်” ပြန်လုပ်ပေါ့။ 

သံရေးတမန်ရေးမပြောနဲ့၊ ဖာခန်းထောင်ရင်တောင် စျေးဦးပေါက်မှာ မဟုတ်ပါဘူး။

ကြင်စိုးတို့ အောင်မြင်ချက်။ 

မောင်နွေဦး (ဥတ္တရမဲဇာ)