အတွေးအမြင်ရသဆောင်းပါး

Clicker တို့ ခင်ဗျား c4a ကို click ​ပေးတဲ့အတွက် ​ကျေးဇူးတင်ပါတယ် ခင်ဗျာ ။ ၁၀ စက္ကန့်​နေပြီးရင်ပြန်ထွက်လို့ ရပါပြီ ခင်ဗျာ ။

တစ်ခါတုန်းက...

တိုင်းပြည်တစ်ခုမှာ စစ်သူကြီးတစ်ဦးရှိတယ်...

အဲ့ဒီစစ်သူကြီးဟာ သူရဲ့တိုင်းပြည်တွင်းမှာရှိတဲ့ ပြည်သူပြည်သားတွေကို ဒီတိုင်းပြည်ထဲမှာ သူနဲ့ ယှဥ်ပြီး စစ်တုရင်ကစားပြီးနိုင်တဲ့သူ တစ်ယောက်မှမရှိဘူးဆိုပြီး ကိုယ့်ကိုယ် ဂုဏ်ယူဝင့်ကြွားစွာနဲ့ ကြေညာခဲ့တယ်...

အဲ့ဒီအချိန်မှာပဲ တိုင်းရေးပြည်ရာအခြေနေတွေကြောင့် အဲ့ဒီစစ်သူကြီးဟာ .စစ်တိုက်ထွက်ရဖို့အကြောင်းဖန်လာခဲ့တယ်...

သူစစ်တိုက်ထွက်ရမယ့် နယ်မြေမရောက်ခင် လမ်းခုလတ်ဒေသတစ်ခုမှာ စစ်တုရင်ကစားတာအရမ်းတော်တဲ့သူတစ်ဦးရှိတယ်...သူကလည်း သူ့နယ်တစ်ဝိုက်မှာ အတော်ဆုံး စစ်တုရင် ကစားသမားတစ်ဦးဖြစ်တယ်...

အဲ့ဒီအကြောင်းကို စစ်သူကြီးကသိတော့ အဲ့ဒီ လူကိုခေါ်ခိုင်းလိုက်ပြီး သူနဲ့ စစ်တုရင် ကစားဖို့ ပြောခိုင်းလိုက်တယ်...

အဲ့ဒီ စစ်တုရင် ကစားပွဲမှာ စစ်သူကြီးကအနိုင်ရရှိသွားတယ်... အဲ့ဒီတော့ စစ်သူကြီးက ရဲမက်စစ်သည်အပေါင်းကြားမှာ ဂုဏ်ယူဝင့်ကြွားစွာနဲ့ စစ်တိုက်ထွက်ရမယ့်နယ်မြေကို ဆက်လက်ထွက်ခဲ့တာပေါ့...

ဒီလိုနဲ့ စစ်တိုက်ရမယ့်နယ်မြေကိုရောက်တဲ့အခါမှာလည်း...ရန်သူတွေကို အလွယ်တကူပဲ ချေမုန်းနိုင်ခဲ့တယ်...

ဒါနဲ့စစ်အောင်ပြီးပြန်လာတဲ့ စစ်သူကြီးကို စစ်တိုက်သွားတဲ့လမ်းခုလတ်မှာ အသွားတုန်းက စစ်တုရင် ကစားပြီးရှုံးခဲ့တဲ့သူက စစ်သူကြီးရဲ့အောင်ပွဲခံပြီး ပြန်လာတဲ့လမ်းမှာ နောက်တစ်ကြိမ်ထပ်ပြီးသူနဲ့ စစ်တုရင် ကစားဖို့ဖိတ်ခေါ်လိုက်တယ်...

စစ်သူကြီးကလည်း သူ့ရဲ့စိန်ခေါ်မှုကို လက်ခံလိုက်ပြီး ကစားပွဲလုပ်ခဲ့တယ်...အဲ့ဒီပွဲမှာ စစ်သူကြီး ရှုံးသွားတယ်...မကျေနပ်လို့ သုံးကြိမ်တိတိ ထပ်ကစားတယ် စစ်သူကြီးပဲ ဆက်တိုက်ရှုံးတယ်...

အဲ့ဒီအချိန်မှာ စစ်သူကြီးက ငါလိုတစ်လောကလုံးက ဒီ စစ်တုရင်ကစားနည်းမှာ ငါ့ကိုယှဥ်နိုင်တဲ့သူမရှိဘူး ငါစစ်တိုက်သွားတုန်းက မင်းငါ့ကိုအရှုံးပေးလိုက်တာလားလို့မေးလိုက်တော့...

"စစ်သူကြီး ကျွန်ုပ်တို့တိုင်းသူပြည်သားတွေအတွက် စစ်သူကြီးဟာ အင်မတန်မှ အားကိုးအားထိုက်ပြုနေရတဲ့ ပုဂ္ဂိုလ်တစ်ဦးဖြစ်ပါတယ်...ယခုစစ်သူကြီးဟာ တိုင်းပြည်အတွက် စစ်ထွက်လာခဲ့တာဖြစ်ပါတယ်... စစ်တုရင်ကစားနည်းနဲ့ပတ်သတ်လို့လည်း ပြိုင်ဘက်ကင်းတဲ့စစ်သူကြီးက ကျွန်တော်မျိုးလို ဇနပုတ်မှာနေတဲ့ အညတရပြည်သူတစ်ဦးနဲ့ စစ်တုရင် ကစားပွဲမှာ ရှုံးသွားတယ်ဆိုရင် စစ်ထွက်လာတဲ့စစ်သူကြီးရဲ့စိတ်ထဲမှာ တစ်စုံတစ်ခုဖြစ်ပွားခဲ့လျှင် ကျွန်ုပ်တို့တိုင်းပြည်အတွက် ဘယ်လိုနည်းနဲ့မှ အကောင်းဘက်သို့ဦးတည်လာမှာမဟုတ်တဲ့အတွက် အရှုံးပေးလိုက်ရခြင်းပါ..."

အဲ့လိုပါပဲ ပြောချင်တာက ဒီကာလဟာ တော်လှန်ရေးကာလဖြစ်တဲ့အတွက် ဖေးမကြပါ ဒီတိုက်ပွဲမှာ ကိုယ်တိုင်လက်နက်ကိုင်ပြီး မတိုက်ရဘူးဆိုရင်တောင်မှ တိုက်ပွဲဝင်နေကြတဲ့ ရဲဘော်တွေကို အားပြတ်စေမယ့် အသုံးအနှုန်းတွေ မသုံးမိကြပါစေနဲ့လို့...ပြောပါရစေ...အများကြီးတော့ ...အဓိပ္ပါယ်ဖွင့်ပြီးမပြောလိုတော့ပါဘူးဗျ

 အတွေးအမြင်ရသဆောင်းပါး

ARNs_Revolutionary_Art_Program

ရဲဘော်စလားဖန်း