ခွင့်လွှတ်ပေးလိုက်ပါ ဧရာဝတီ၊ စိတ်ချပါ ဧရာဝတီ

“ခွင့်လွှတ်ပေးလိုက်ပါ ဧရာဝတီ၊ စိတ်ချပါ ဧရာဝတီ”

*********************************************

ခွင့်လွတ်ပေးလိုက်ပါ ဧရာဝတီ

ခင်ဗျားရဲ့ ရဲဘော်တွေ တစ်ယောက်ပြီး တစ်ယောက် ကျဆုံးနေလို့ ခင်ဗျားဝမ်းနည်းနေတဲ့အချိန် တစ်ချို့တွေ ပျော်ပွဲရွှင်ပွဲတွေနဲ့ ပျော်နေကြတာကို ခင်ဗျားခွင့်လွတ်ပေးလိုက်ပါ...

ခွင့်လွတ်ပေးလိုက်ပါ ဧရာဝတီ

ခင်ဗျားရဲ့ တော်လှန်ရေးရဲဘော်တွေ လက်နက်နဲ့ကျည်ဆံလေးတွေရဖို့ မျက်နှာမွဲလေးနဲ့ အလှုလိုက်ခံနေတဲ့ ရဲဘော်တွေရဲ့မျက်နှာကိုကြည့်ပြီးခင်ဗျားစိတ်မကောင်းဖြစ်နေတဲ့အချိန် တချို့တွေက ပျော်ပွဲရွှင်ပွဲအတွက်အသုံးပြုဖို့ အသံချဲ့စက်နဲ့ ဘောက်(စ်)တွေကို ငွေကို ဆယ်နဲ့ချီပြီး (တစ်ချို့ဆို ရာနဲ့ချီတယ်) သူ့ထက်ငါသာအောင်လုပ်နေကြတဲ့ သူတွေကို ကြည့်ပြီးခွင့်လွတ်ပေးလိုက်ပါ...

ခွင့်လွတ်ပေးလိုက်ပါ ဧရာဝတီ

ခင်ဗျားရဲ့ ရဲဘော်တွေ ထမင်းတောင်နှပ်မှန်အောင် မစားနိူင်လို့ ခင်ဗျားစိတ်မကောင်းဖြစ်နေတဲ့အချိန် တစ်ချို့လူတွေ (KTV) တို့ ဘီယာဆိုင်တို့မှာ အကောင်းစားအရက်ပုလင်းတွေနဲ့ အကောင်းစားဟင်းလျာတွေစားသောက်နေကြတာကို ကြည့်ပြီး စိတ်မကောင်းမဖြစ်ပါနဲ့ ခွင့်လွတ်ပေးလိုက်ပါ...

ခွင့်လွတ်ပေးလိုက်ပါ ဧရာဝတီ

ခင်ဗျားဟာ တစ်ချိန်က မြန်မာပြည်မှာ အတောက်ပဆုံးသူရဲကောင်းတွေကို မွေးထုတ်ပေးခဲ့ပြီးပြီ...ခုချိန်မှာလည်း ခင်ဗျားမွေးထုတ်ပေးခဲ့တဲ့ လူတွေရဲ့ စိတ်ဓာတ်ကြံ့ခိုင်တဲ့ လူငယ်မျိုးဆက်သစ်တွေအများကြီးကျန်နေပါသေးတယ်...တစ်ချို့လူတွေကြောင့် ခင်ဗျားစိတ်ထိခိုက်မခံပါနဲ့...ခွင့်လွတ်ပေးလိုက်ပါ...

ခွင့်လွတ်ပေးလိုက်ပါ ဧရာဝတီ

ဒါပေမယ့် ကျုပ်တို့ရဲ့တော်လှန်ရေးကြီး အောင်မြင်တဲ့ တစ်နေ့ကြရင် ခင်ဗျားကို လိပ်ပြာလုံစွာနဲ့ ကျုပ်ကဧရာဝတီသား ပါဆိုပြီး လိပ်ပြာသန့်သန့်နဲ့ဆက်ဆံနိုင်ကြပါစေ လို့ပဲခင်ဗျားဆုတောင်းပေးလိုက်ပါ...

xxxxxxxxxxxxxxxxxxx

စိတ်ချပါ ဧရာဝတီ

ခင်ဗျားကို ခွင့်လွတ်ပေး ခိုင်းနေပေမယ့် ကျုပ်တို့ကတော့ ခွင့်မလွတ်ပေးနိုင်ဘူး...

ခင်ဗျားက ငါက ဧရာဝတီဆိုပြီး အနစ်နာခံသူကြီး...ခင်ဗျားရဲ့နာမည်ကြီးဘာဖြစ်ဖြစ် ခင်ဗျားကခွင့်လွတ်တတ်သူကြီးဆိုတော့...ကျုပ်တို့ ပဲအဲ့ဒီလိုလူတွေကို အမုန်းခံပါရစေ...

ခင်ဗျားရဲ့မျိုးဆက်ဖြစ်တဲ့ ကျုပ်တိုရဲ့ ကိုယ်ထဲမှာ ခင်ဗျားရဲ့သွေးတွေစီးဆင်းနေသ၍ ကျုပ်တို့ ခင်ဗျားအတွက် အဆုံးထိတိုက်ပွဲဝင်သွားမှာပါ...

တစ်နေ့ခင်ဗျား ပြန်လည်တောက်ပလာစေရမယ်...

အဲ့ဒါကျုပ်တို့ ဧရာဝတီ မျိုးဆက်ရဲ့ ခင်ဗျားအတွက် သွေးသစ္စာစကားပဲ...

#ARNs_Revolutionary_Art_Program

#တော်လှန်ရေးဆောင်းပါးတိုကဏ္ဍ

#ရဲဘော်စလားဖန်း