တော်လှန်ရေးကာလနှင့် အချစ်ပြဿနာ

တော်လှန်ရေးကာလနှင့် အချစ်ပြဿနာ

************************************

ကျုပ်တစ်ခုပြောချင်တယ်...ကျုပ်ပြောမယ့်စကားတွေထဲမှာ...ကြီးကြီးကျယ်ကျယ်တွေ ပါကောင်းပါသွားလိမ့်မယ်...ဆုံးအောင်ဖတ်စေချင်မိပါရဲ့

ကျုပ်တို့ မြန်မာပြည်ကြီးကို လွတ်လပ်ရေးရအောင် လုပ်ပေးခဲ့တဲ့ ဗိုလ်ချုပ်အောင်ဆန်းရဲ့ အချစ်ရေး...တစ်နည်းအားဖြင့်  ကျုပ်တို့ရဲ့အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ ဇနီး

မဟာသီရိသုဓမ္မဒေါ်ခင်ကြည်ရဲ့ စိတ်နေစိတ်ထား ဘယ်လောက်ထိမွန်မြတ်ကြောင်း ပြောချင်လို့...ဒီစာကိုတိုရင်းလိုရင်းနဲ့ရေးလိုက်ပါရစေ

ဒေါ်ခင်ကြည်ဟာ ကျုပ်တို့ဧရာဝတီတိုင်းသူ မြောင်းမြဇာတိမှာ မွေးဖွားခဲ့တဲ့သူတစ်ယောက် ဖြစ်တယ်...သူ့မှာ ဒေါ်ခင်မကြီးဆိုတဲ့အစ်မတစ်ယောက်ရှိတယ်... သူတို့ညီအစ်မနှစ်ယောက်ဟာ သူနာပြုဆရာမတွေဖြစ်ပြီး...အဲ့ဒီချိန်က ဂျပန်ခေတ်ပေါ့ဗျာ...

(ဒေါ်ခင်ကြည်ရဲ့အစ်မဒေါ်ခင်မကြီးဆိုတာ ကွန်မြူနစ်ပါတီက သခင်သန်းထွန်းရဲ့ဇနီး...)

ကျုပ်တို့တိုင်းပြည်ကြီးဟာ အဲ့ဒီအချိန်မှာ စစ်မြေပြင်စစ်တလင်းဖြစ်ပြီး ပညာရေး ကျမ်းမာရေး အစစအရာရာ အဆောက်အအုံတွေပြိုပျက်နေတဲ့အချိန် ဝန်ထမ်းတွေကလည်းလည်း အင်္ဂလိပ်တွေထွက်ပြေးတဲ့အခါ အကုန်ပါသွားကြတယ်...

အဲ့ဒီချိန်ကျုပ်တို့တိုင်းပြည်မှာ ကျောင်းလည်းမရှိဘူး...ဆေးရုံလည်းမရှိဘူး...အဲ့လိုအခြေနေတွေနဲ့ ဂျပန်ကိုတိုက်ထုတ်နေတဲ့အချိန်မှာ...စစ်သားတွေ ဒဏ်ရာရခဲ့ရင်တောင် ကုဖို့အခက်ခဲဖြစ်နေတဲ့အချိန် ...

အဲ့ဒီအချိန်မှာ တာဝန်သိတဲ့ ဒေါက်တာဦးဘသန်းဆိုတဲ့ ပုဂ္ဂိုလ်ကြီးက ရန်ကုန်မြို့ထဲမှာရှိတဲ့ အဆောက်အုံကြီးတစ်ခုကို ဆေးရုံကြီးအဖြစ် သတ်မှတ်လိုက်ပြီး ဒီခေတ်ဒီလိုအချိန်မှာ တော်လှန်ရေးလုပ်နေတဲ့ရဲဘော်တွေကို ဆေးကုပေးဖို့ ဆေးရုံဆေးခန်းမရှိ တဲ့အတွက် ဒီဆေးရုံကြီးမှာ လာရောက်ပြီး မြန်မာနိုင်ငံအတွင်းမှာရှိတဲ့ စစ်ဘေးစစ်ဒဏ်  ခိုလှုံနေတဲ့ ဆေးဝန်ထမ်းတွေကိုဆေးကုသပေးဖို့အတွက် Volunteer အနေနဲ့တာဝန်ထမ်းဆောင်ပေးဖို့ဖိတ်ခေါ်လိုက်တယ်...

အဲ့ဒီသတင်းကို ကျုပ်တို့ဧရာဝတီတိုင်းမြောင်းမြမြို့သူ ဒေါ်ခင်ကြည်တို့ညီအစ်မနှစ်ဦး ကြားလိုက်တဲ့အခါ သူတို့ညီအစ်နှစ်ယောက် တိုင်းပြည်အတွက် တာဝန်ထမ်းဆောင်ဖို့ မြောင်းမြမြို့လေးကနေ ထွက်လာခဲ့ကြတယ်...

ဆရာကြီးဒေါက်တာဦးဘသန်းဆီရောက်တဲ့အခါ အရည်အချင်း စစ်လိုက်တော့ ဒေါ်ခင်ကြည်က အင်မတန်မှ တော်တဲ့သူတစ်ယောက်ဆိုတာ သိလိုက်တယ်...ဒေါ်ခင်ကြည်ဟာ အင်္ဂလိပ်စကားပြောကျွမ်းကျင်တဲ့အပြင် ဆေးဘက်ဆိုင်ရာနဲ့ပတ်သတ်တဲ့ စာတွေကိုလည်း ကောင်းကောင်းကြီး နားလည်တဲ့အတွက် ဆရာကြီးဦးဘသန်းဟာ ဒေါ်ခင်ကြည်ကို အဆင့်မြင့်သူနာပြု ရာထူးပေးလိုက်တယ်...

အဲ့ဒီအချိန်မှာ ကျုပ်တို့ရဲ့အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟာ အဲ့ဒီချိန်က စစ်ဝန်ကြီး... ပွင့်ပွင့်လင်းလင်းပြောရရင် ကာကွယ်ရေးဦးစီးချုပ်ပေါ့ဗျာ...

တာဝန်ထမ်းဆောင်ရင်းနဲ့ ဗိုလ်ချုပ်အောင်ဆန်းအပြင်းဖျားတဲ့အကြောင်းကို ဒေါက်တာဦးဘသန်းတို့ ကြားရတဲ့အခါ ဦးဘသန်းက သူနာပြုဆရာမ မတင်ထွေးကို ဗိုလ်ချုပ်ဆီလွတ်လိုက်တယ်...ဗိုလ်ချုပ်ရဲ့အခြေနေကိုသိရအောင်လို့ အဲ့ဒီချိန်မှာ ဗိုလ်ချုပ်က သတိရတစ်ချက်မရတစ်ချက်ဖြစ်နေတယ်...

ဒီလိုနဲ့ သူနာပြုဆရာမလေးကချက်ချင်းပဲ ဦးဘသန်းဆီပြန်လာပြီး ဗိုလ်ချုပ်ကို ချက်ချင်းဆေးရုံတင်မှဖြစ်မယ်ဆိုတဲ့အတွက် ဦးဘသန်းဟာ လိုအပ်တာတွေစီစဥ်ပြီးဗိုလ်ချုပ်ကို ဆေးရုံခေါ်လာခဲ့တယ်...

ဆေးရုံးရောက်တော့ ဦးဘသန်းက ဗိုလ်ချုပ်လိုလူမျိုးကို တော်ရုံတန်ရုံသူနာပြုနဲ့ ထားပေးလို့အဆင်မပြေဘူးဆိုပြီး...အဆင့်မြင့်သူနာပြုဆရာမကြီးတာဝန်ပေးထားတဲ့ ဒေါ်ခင်ကြည်နဲ့မှသာ အဆင်ပြေလိမ့်မယ်ဆိုပြီး ဒေါ်ခင်ကြည်ကို ဗိုလ်ချုပ်ရဲ့ အထူးစပါယ်ရှယ် နပ်စ် အဖြစ်ထားပေးလိုက်တယ်...(အဲ့မှာဇာတ်လမ်းစတာ)

ကျုပ်တို့ဗိုလ်ချုပ်ဟာ အရမ်းအသည်းမာတဲ့ သူတစ်ယောက်ဗျ...သူ့ရဲဘော်တွေ မိန်းမယူကြရင် သူကအမြဲတမ်းဆူတာ...ဒီခေတ်ဒီကာလကြီးမှာ မင်းတို့ကွာ တိုင်းပြည်အတွက်ပဲ ဦးစားပေးရမှာပေါ့...ဆိုပြီးအမြဲတမ်းဆူတယ်...

ဗိုလ်ချုပ်မတရားဘူး...😁

သူ့အလှည့်ကြတော့ နေ့စဥ်သူ့ကိုဆေးတိုက်ပေး ပြုစုပေးနေတဲ့ ဒေါ်ခင်ကြည်နဲ့လည်းတွေ့ရော အသဲမာတဲ့ ဗိုလ်ချုပ် အသဲမမာနိုင်တော့ဘူးလေ...

ဒေါ်ခင်ကြည်ကလည်း သိတယ် ဗိုလ်ချုပ်သူ့ကိုမေတ္တာသက်ဝင်နေပြီဆိုတာ တစ်နေ့ရည်းစားစကားပြောလာတော့မယ် သူငါ့ကိုရည်းစားစကားပြောလာရင် ငါဘယ်လိုပြန်ဖြေရပါ့မလဲလို့ စဥ်းစားနေတဲ့အချိန်...

နောက်နေ့ ဗိုလ်ချုပ်ကိုဆေးတိုက်ဖို့သွားတော့ ဗိုလ်ချုပ်က ရည်းစားစကားပြောပါလေရော...

“မခင်ကြည် ကျုပ်မခင်ကြည်ကိုလပ်ထပ်ချင်ပါတယ်”လို့တန်းပြီးပြောချလိုက်တာ...အဆင့်တွေကကျော်ပြီးပြောချလိုက်တာ...

ဗိုလ်ချုပ်ကလည်း ထပ်ပြီးပြောပါတယ်...ချစ်တယ်လို့ပြောရင် တစ်ဆင့်စောင့်နေရအုံးမယ်...ကျုပ်အတွက် အဲ့လောက်အချိန်မရှိဘူး တိုင်းပြည်အတွက်လုပ်စရာတွေရှိသေးတယ်ဆိုပြီး...သူ့အစ်ကိုကြီး ဦးဘဝင်းကို တောင်းရမ်းခိုင်းပြီး လက်ထပ်ယူခဲ့တာ...

အမလေး😁 ကျုပ်ပြောချင်တဲ့ စကားကိုရောက်ဖို့ ဖတ်မိခဲ့သမျှစာတွေထဲက အကြောင်းအရာတွေကို ပြန်စဥ်းစားပြီးမှတ်မိသလောက်ခြေဆင်းနေရတယ်...😁

အဲ့ဒါကြောင့် ဗိုလ်ချုပ်လိုလူမျိုးတောင် တော်လှန်ရေးလုပ်နေရင်း အချစ်နဲ့တွေခဲ့သေးတာ...

ကျုပ်တို့လို အညတရမျက်နှာမွဲတော်လှန်ရေးသမားတွေလည်း အချစ်နဲ့တွေ့ခွင့်ရှိပြီး ဖီးလ်နိုင်ပါသေးတယ်လို့ပြောချင်တာ...😁

ဟူးမောထှာကွာ...ဒါပဲ...😁

ရဲဘော်စလားဖန်း

ARNs_Revolutionary_Art_Program

တော်လှန်ရေးဆိုင်ရာဆောင်းပါးတို့ကဏ္ဍ

(မှတ်ချက် ။    ။ ARNs တော်လှန်ရေးဆိုင်ရာ စာပေအနုပညာ ကဏ္ဍအတွက် တင်ဆက်သည့် ဆောင်းပါးတိုများသည် ပြည်သူများအတွက် အနုပညာ ရသတစ်မျိုးမျိုး ပေးစွမ်းနိုင်ပြီး ရဲဘော်အချို့၏ ခံစားချက်များကိုလည်း ဖော်ပြပေးနိုင်ရန် ရည်ရွယ်သည့်အပြင် တော်လှန်ရေးကာလ ကြုံတွေ့ရသည့် အခြေအနေများအပေါ် တစ်နည်းတစ်ဖုံ အမှတ်သညာပြု ရေးသားဖော်ပြခြင်းမျိုးသာ ဖြစ်ပါသည်။ အမှားအယွင်းများ ရှိပါကလည်း မိဘပြည်သူများ နားလည်ခွင့်လွှတ်ပေးကြပါရန် ကြိုတင် မေတ္တာရပ်ခံအပ်ပါသည်။)