သူပုန်ကလေးများ

 Clicker တို့ ခင်ဗျား c4a ကို click ​ပေးတဲ့အတွက် ​ကျေးဇူးတင်ပါတယ် ခင်ဗျာ ။ ၁၀ စက္ကန့်​နေပြီးရင်ပြန်ထွက်လို့ ရပါပြီ ခင်ဗျာ ။

သူပုန်ကလေးများ

ဘုန်းတေဇာမင်း 

=============

သူပုန်ဆိုသည့်စကားသည် ကျွန်တော်တို့နှင့် မစိမ်းသော စကားတစ်လုံးဖြစ်သည်။ အစိုးရတစ်ရပ်ကို အတိုက်အခံပြုလျှင် သူပုန်၊ မှန်သည်ဖြစ်စေမှားသည်ဖြစ်စေ ပုန်ကန်ခြားနားလျှင် သူပုန်ဟု သူနှုန်းကြသည်။ ကျွန်တော်တို့ ငယ်စဉ်ဖြတ်သန်းခဲ့ရတဲ့ဘဝတစ်လျှောက်  စစ်အစိုးရ၏ ဝါဒဖြန့်သတင်းများကိုသာ မမြင်ချင်လဲ မြင်ရ၊ မကြားချင်လျှက် ကြားရ အခြေအနေတွင် သူတို့က သူပုန်ဟု ကြေညာသူတိုင်း သူပုန်ဟုပင် ထင်ခဲ့သည်။ သူပုန်ဆိုလျှင် လူဆိုးကြီးများဟုပင် ထင်မြင်မိသေးသည်။ စစ်အစိုးရဝါဒဖြန့်ရာတွင်လည်း သူပုန်ဆိုလျှင် လူဆိုးလူသွမ်းများအဖြစ် ပုံဖော်ထားတတ်သည်ဖြစ်ရာ မျက်လုံးထဲတွင် အဆိုးပုံရိပ်တို့သာ ဖုံးလွှမ်းလျှက်ရှိသည်။ 

“သူပုန်”ဆိုတာ “မတရားတာ”ကို ပုန်ကန်တော်လှန်သူကို ခေါ်တာပါ။ မိမိတို့ခံယူချက်၊ မိမိတို့၏ ရပိုင်ခွင့်အတွက် ပြတ်ပြတ်သားသားတောင်းဆိုသောသူများကို အာဏာလက်ရှိတို့က တစ်ဖက်စောင်းနင်းပြောဆိုသော စကားလုံးဖြစ်သည်။ သူပုန်ဟု ပြည်သူကို ဖိနှိပ်ချုပ်ချယ်သော အစိုးရတိုင်းက သမုတ်သူများသည် လူကောင်းများဖြစ်နေသည်ကို တွေ့ရသည်။ ဆရာစံသူပုန်၊ ကျောင်းသားသူပုန်၊ တိုင်းရင်းသားသူပုန် ဆိုပြီး အမည်အမျိုးတပ်ကာ သူတို့နဲ့အလိုမတူလျှင် သူပုန်ဟု လွယ်လွယ်ကူကူ သုံးနှုန်းလိုက်ကြခြင်းဖြစ်သည်။ 

ကျွန်တော်တို့ စစ်အာဏာရှင်ကို တော်လှန်နေသော နွေဦးတော်လှန်ရေးတပ်သားများကိုလည်း အာဏာရှင်လက်ပါးစေနှင့် နောက်လိုက်အပေါင်းအပါတသိုက်က သူပုန်ဟု သုံးနှုန်းတာကို တွေ့လာရသည်။ ကျွန်တော်တို့ မမူ့တော့ပါ။ “သူပုန်ကလေးများ” ဟု အခေါ်ခံရလျှင် ပျော်ရွှင်မှုကို ခံစားမိသည်။ ငါတို့ဟာ အမှန်တရားဘက်မှာ ရပ်တည်နေကြောင်း ပြယုဂ်တခုပဲ။ မှန်ပါတယ် ကျွန်တော်တို့ဟာ သူပုန်တွေပါ။ မတရားမှုကို ခေါင်းငုံမခံတတ်တဲ့ သူပုန်တွေဖြစ်ပါတယ်။ “သူပုန် သူပုန် ထ..ထ” လို့သာ အသံကုန်ကြွေးကြော်မိတော့သည်။

ARNs_Revolutionary_Art_Program 

တော်လှန်ရေးဆောင်းပါးတိုကဏ္ဍ