ခွင့်လွှတ်ပါ ဧရာဝတီ

Clicker တို့ ခင်ဗျား c4a ကို click ​ပေးတဲ့အတွက် ​ကျေးဇူးတင်ပါတယ် ခင်ဗျာ ။ ၁၀ စက္ကန့်​နေပြီးရင်ပြန်ထွက်လို့ ရပါပြီ ခင်ဗျာ ။

ဧရာဝတီမှ တော်လှန်ရေး ရဲဘော်တစ်ဦး ပေးပို့သော “ခွင့်လွှတ်ပါ ဧရာဝတီ” အမည်ရ တော်လှန်ရေး ကဗျာ ဖြစ်ပါတယ်။

“ခွင့်လွှတ်ပါ ဧရာဝတီ”

********************

အတောင်အလက်စုံတဲ့

၁၄/ တွေကို ခင်ဗျားရဲ့ကျောပေါ်

ပျံသန်းခွင့်မပေးဘူးနော်။

ခွေးအိုကြီးတွေစုနေတဲ့ 

ခင်ဗျားရဲ့ကျောပေါ်

ပုတ်စော်တွေလဲနံလို့။

ရုပ်ဝတ္တုရဲ့ ချမ်းသာမှုနောက်ကိုလိုက်

ရွှေရည်သုပ်ထားတဲ့ စားခွက်ထဲ

သွားရည်တမြှားမြှားကျပြီး ဝိုင်းလုနေတဲ့ 

ခွေးအိုကြီးတွေကို ခင်ဗျားကျောပေါ်က 

ခါမချချင်ဘူးလား။

ခင်ဗျားလဲ ကြိုးစားရှာတာပဲ

ရုန်းကန်နေတာပဲ

လှုပ်လီလှုပ်လဲနဲ့ လှုပ်နိုင်သလောက်လှုပ်နေတာပဲ

လှုပ်လိုက်မြုတ်လိုက် ခွေးစားသွားလိုက်

ဒီလိုနဲ့ ခွေးတွေခေါင်းထောင်လာလိုက်။

ခင်ဗျား စိတ်မကောင်းမဖြစ်ပါနဲ့

အတောင်အလက်စုံတဲ့ ၁၄/ တွေ 

မြန်မာပြည်အနှံ ပျံသန်းပြနေလေရဲ့။

ခင်ဗျားရဲ့   ကျော်ကြားမှု့တွေ

ခင်ဗျားရဲ့    ပြည့်စုံမှုတွေ

ခင်ဗျားရဲ့    ဖော်ရွှေမှုတွေ

ခင်ဗျားရဲ့    လှပမှုတွေ

ခင်ဗျားရဲ့    ရိုးသားမှု့တွေ

ခင်ဗျားရဲ့     အနစ်နာခံမှုတွေကို

တစ်နိုင်ငံလုံးသိ‌အောင်ပျံသန်းပြ‌နေလေရဲ့။

ခဏတော့ ခွင့်လွှတ်ပါ ဧရာဝတီ

ခင်ဗျားကျောပေါ် မှာ

“ဘယ်သူသေသေ ငတေမာရင်ပြီးရော"ဆိုပြီး

ရပ်ကြည့်နေနိုင်တဲ့

၁၄/တွေအတွက်‌ နေစရာနေရာမရှိလို့ပါ။

စိတ်ချပါ ဧရာဝတီ 

၁၄/တွေပြန်စုံလို့

တက်ညီလက်ညီခွေးမောင်းတဲ့အခါ

ခင်ဗျားက ကျောလေးလှုပ်ပေးနော်။

#ညီမျှခြင်း(ဧရာဝတီ)

ARNs Revolutionary Art Program

တော်လှန်ရေး စာပေအနုပညာ ကဏ္ဌ

ကဗျာ - စာစဉ် (၂)